BURDIGALEN. SEU PETROCORICEN. 519

lem cumque metum, sed eum plane gravem ob instans gra- vioris damni periculum , notat nihil hisce iuris principiis assimile deprehendi in casu.

Sed notissimum imprimis est , veram divortii causam non aliam fuisse quam ipsius actricis adulterium : iniuriosas vero litteras ex advocatorum consilio fuisse excogitatas ad vitandam adulterii infamiam, atque ex condicto scriptas et viro missas. Quo vero ad febrim, quam eadem actrix veluti argumentum insinuât repugnantiae ab initio vitae coniuga- lis contra virum conceptae, ut exinde deneget praecedentem liberum assensum in matrimonium, praetermisso etiam quod nemo, ex omnibus in iudicio auditis, id confirmet, ex sub- sequentibus medici verbis ab ipsa relatis « votre mari en sera très-satisfait et mangera la fortune de votre enfant » manifestum fit, assertum morbum minime habere inge- niosam significationem ei tributam : praefatus quippe in- fans natus non est, nisi post duos annos cum dimidio ab incoepta vita coniugali. Aliam imo fuisse memoratae febris causam deduci potest ex viri testimonio, qui retulit priora matrimonii tempora tranquilla fuisse; quae tantum turbata fuerunt dum immineret partus primi filii ex nimio uxoris amore pro iuvenum societate. Ast Orator aiens se non in- quirere quis haec audiverit, cui mulier tempore non suspe- cto revelaverit, quid ipsa egerit aut responderit, an ullam protestationem fecerit, aut alicuius consilium vel auxilium imploraverit, - quaerit tantum quid eadem obiecta matris et sponsi verba prodesse valeant, quomodo inter se cohae- reant et credibilia censeri possint : ita ut nedum mater , verum etiam sponsus metum actrici incusserit ad extorquen- dum consensum in matrimonium. Vir enim ne somniavit quidem aliquid assimile, manifeste apparebit: quoad matrem vero explicatio, - quae ad rem in cit. supplici libello ex- hibetur haec est : mater utpote tutrix duorum filiorum, actri- cis nempe et Petri Eliae , bonorum administrationem irre- gulariter gessisset, et huic magis quam illi favere stu- duisset : ideo eiusdem matris cordi fuisset matrimonium,