SYPONTINA 519

dalium sacci et cetera, quae ad illum pertinent, assumun- tur : ad eam in solemnioribus diebus sodales concurrunt, et ab ea discedunt, cum processiones ordinantur ceu Parochus fidem facit. Ceteras autem in Ecclesia S. Catharinae Pa- rochiali subiecta ideo obit functiones, quia id, ut fama tra- dit, Capitulo placuit, ne forte sodalitatis functiones, capi- tulares functiones exturbarent.

De ceteris, quae occurrunt, obiectis, paucis se expedit advocatus. Frustra enim, eius sententia, ab Archiepiscopo obiicitur, sodalitati SSmi Sacramenti, ob prioritatem regii assensus super sodalitatem Septem Dolorum praecedentiam a se fuisse concessam, quin ullam reclamationem illa in- terponeret. Nam sodalitas SSmi Sacramenti, quae se sciebat antiquiorem, a sententia, sibi secunda, appellare non poterat, quamvis animadverteret, id quod sibi debebatur, haud ob veram, sed ob erroneam rationem fuisse concessum.

Sed praeterea invocatur textus cuiusdam transactionis, in actis productas initae a. 1787 inter sodalitates hodie contendentes, quare alternis annis ius praecedentiae sibi so- dalitates constituerant, salva praecedentia Confraternitatis a SSmo Sacramento in processionibus in honorem Divinis- simi Sacramenti ductis.

Respondet vero advocatus, quum parochi testimonium, seniorum testimonio comprobatum, sodalitatem SSmi Cor- poris Christi, assidue, ad nostra tempora praecessisse lu- culenter declaret: tenendum est vel huiusmodi conventio- nem numquam extitisse, vel si exstitit in charta mansisse, nec fuisse ad executionem adductam. Quo in casu concor- dia praecedentiae quasi possessioni praevalere non potest, quae per decem saltem annos continuata praecedentiam as- signat (Pignatellius t. VI, cons. 67, n. 6, Ferraris loc. cit. n. 87).

Si corruit Episcopi sententia, interdictum post senten- tiam pronunciatum, necessario iuxta advocatum ^corruere debet. Eoque magis, quod inspectum in se, iniquum et in- iustum appareat. Iniustum, nam Sodalitas SSmi Corporis