S20 MATRIMONII.

demque coactionem a tenera puella nec superari potuisse* quae ad nullum confugere poterat. Idque ostendebant ex studiosa re- rum praeordinatione , ex adiunctis quae concomitata sunt et quae sunt consecuta. A quibus referendis abstinemus, cum L e - ctores nostri in enarrata rerum seria facile haec perspicient.

A NIMADVERSIONES D EFENSORIS MATRIMONII. Matrimonii Defensor praeter animadversiones factas super defectu adsistentiae vindi- cis matrimonii in examine Livii, de quo diximus, ad causae me- ritum quod spectat, studuit ostendere defuisse in praesenti the- mate dictitatam coactionem. Meminit, Livium non fuisse. Agneti ignotum, cum eius domum ratione unius alteriusque offieioli interdum adierit; imo duo testes septimae manus etsi ex pro- pria scientia nihil scire fassi sunt an Livius amaret Agnetem, tamen testati sunt ex muliercularum auditu, eumdem erga Agne- tem aliquatenus mulierasse.

Asseruit autem, calumnias e s s e , quae in Parochum defun- ctum tum mater puellae, tum ipsa puella iactaverint: cum ipse matrimonium proposuerit in bonum tum Agnetis tum eius m a - tris, illudque matrimonium non quidem Parochum sed Avuncu- lum commendasse et inculcasse ob speratam felicitatem, nul- lamque causam coactionis adfuisse.

Cum autem deesse Defensor affirmaret coactionis causam, probationem incussi metus ex eo praesertim deprimere curavit, quod potissima probationis momenta eruerentur ex iudiciali confessione Agnetis et attestatione matr is , easdem autem in consideratione non esse habendas, cum illa actrix in hac con- troversia esset; haec autem rea incussi metus.

Nec aliquo in pretio esse habenda quae unus enarravit t e - stis de moestitia puellae in actu celebrationis; namque praeter quam quod unus testis fidem non faciat, naturale esse timidis inexpertisque puellis in actu celebrationis quodammodo trepidare.

Neque aliquid argui posse, ex eo quod occulte et quidem in templo alieno matrimoninm celebratum esset; namque de huius ratione opportuno tempore Parochus amice interrogatus respon- derat, ut evitarentur dicteria, cum sponsus esset Regularis.

Redarguebat praeterea contradictione et mendacio depositio- nes tum Agnetis tum matris, cum non cohaererent in enarratione, an Livius facta celebratione concomitatus esset puellam domum