465. De sancta Ursula.
Ad Nocturnum.

1. Voce, mente, laetabundo

Cordis domicilio
Deo dignos promat hymnos

Nostra praesens concio
Undenarum millenarum

Virginum martyrio.

2. Quae tenentes integralem
Corpoiis munditiam

Servaverant virginalem
Mentis pudicitiam,

Ut intrarent aeternalem
Cum sponso ad gloriam.

8. Nam prudentes providentes
Oleum lampadibus
Intulerunt et steterunt
Vigiles in laudibus,
Ne delusae sint exclusae
Cum stultis virginibus.

4. Mundi mare puellare

Transiens collegium,
In quo cautae Deo nautae

Non timent naufragium,
Quae scan dentes Petri navem

Jam sequuntur Dominum.
5. Sic per mare navigando

Venerunt Coloniam,
Austro flante tenuerunt

Regionem coelicam
Sustinendo paganorum

Ictus et saevitiam.

6. Nolunt enim assentire

Horum voluptatibus
Contemptisque spretis ipsorum

Pravis et erroribus
Submiserunt ensi dirae

Colla cum cervicibus.
7. Ergo, Christe, spes tuorum,

Vita, salus omnium,
Nos concedas ad illarum

Pervenire gaudium,
Quae perennem meruerunt

Vitam per martyrium.

8. Unitati, trinitati

Solvamus obsequia,
Ipsis quoque, numero quae

Sunt undena milia,
Ut post cursum vitae sursum

Vivamus in gloria.