521

ANNECIBN.

DISPENSATIONIS MATRIMONII

Die 14 Decembris 1895.

Sess. 24 Cap. 5 De reform.

COMPENDIUM FACTI. In quodam oppido Annecien. Dioe-

cesis die 22 Augusti anno 1882 Episcopus Genevensis Mer-

millod solemnibus benedixit nuptiis inter nobilem puellam

M , viginti annos natam initis, et T ge-

nevensem, aeque nobilem viginti septem annos agentem, e

calviniana haeresi recenter ad Catholicam Fidem conversum.

Sponsi, maxima cum pompa nuptialibus solemnitatibus

absolutis, eadem die voluptuarium iter, ut in more est, susce-

perunt. Verum dum peregrinarentur, sponsus, uti M. . . .

narrat, parum in eam videbatur amore affectus, adeo ut cum

ad publicum diversorium pervenissent, T duo con-

duxit cubicula, quibus seiuncti recubuerunt. Quem morem ipse

semper custodivit non tantum peregrinatione perdurante, sed

usque ad perpetuam separationem.

Bis enim vel ter, ut mulier asserit, toto cohabitationis

tempore ad reiteratas uxoris instantias, vir coniugale tala-

mum est ingressus, idem paulo post relicturus, quin unquam

maritale officium expleverit. Imo, si M fides prae-

standa erit, vir ne matrimonii quidem consummationem

tentavit.

De huiusmodi T. . . . agendi ratione, M. . . . usque

ab initio conqueri coepit non modo parentibus, sed Episcopo

Mermillod ac Vicario Lausannensi et infectam consumma-

tionem pluribus patefecit.

Infelix mulier hac in miserabili vitae coniugalis consue-

tudine per septem annos perseveravit, donec mense Octo-

bris 1889, nacta occasione immutationis aeris, valetudinis

curandae causa, ad domum paternam se contulit, nec am-

plius apud maritum redi vit.