524 Matrimonii

sensu ab Ordinario postularunt declarationem nullitatis matri-

monii, propterea quod non potuerat matrimonium consummari

ob mulieris arctitudinem.

Quod ut probarent attulerunt duo testimonia extraiudi-

cialia artis chirurgicae peritorum, quorum unus testabatur

mulieris impedimentum naturale, antecedens, et absolutum: alter dixit, impedimentum esse ex infirmitate sive ex affectione

morbosa, renuit autem iudicare an antecesserit vel subsecutum

fuerit matrimonium, sed declaravit tamen absolutam mulieris

impotentiam.

Ecclesiasticus Iudex instituens processum, constituit matri-

monii defensorem, sed fere omnia neglecta sunt, quae prae-

scribuntur facienda in eiusmodi causis ex Benedictina Con-

stitutione Dei miseratione, et in Instructione S. C. anni 1840.

Namque, ut nonnulla indicem, Defensor non iuravit de munere

fideliter diligenterque adimplendo ; neutrum coniugem vocavit

ad examen; praetermisit testimonium propinquorum, quod

audit septimae manus ; non interfuit singulis processus actibus,

neque interrogatoria tradidit clausa et obsignata ; et quod peius

est, ipse sollicitavit Iudicem ut declararet matrimonium nullum,

cum e converso Defensor semper sustinere debeat matrimonii

validitatem, et ad Procuratorem, seu ad eos qui postulant

solutionem, pertineat sollicitare nullitatis sententiam ; denique

sententia obtenta nullitatis, nullimode appellavit ut causa in

secundo gradu iudicaretur.

Itaque, processu aliquo modo incepto, cura eiusdem defen-

soris matrimonii deputatus est iudicialiter artis medicae peritus,

qui, physica inspectione facta coniugum, testimonium daret ;

quem tamen medicum coniuges recusarunt, atque alter est

cum consensu coniugum electus, qui, iniuncto officio functus,

testatus pariter est extraordinariam mulieris arctitudinem, ex

qua arguebat numquam posse matrimonium consummari;

quod si chirurgicae operationi mulier subiiceretur, praeterquam-

quod valde dubius esset felix operationis exitus, inquit, eam

semper impotentem manere.