INSTRUCTIO 523

scientiarum ac litterarum iuventutem falsa sua doctrina im- buunt, et haeresum contagione inficiunt. Et quod summopere est dolendum, non desunt e catholicis qui istiusmodi praece- ptoribus suos liberos, penuria catholicarum scholarum, edu- candos tradunt.

Haud sane latet S. hoc Consilium plura istic naviter prae- stita iam fuisse ut iuventutis educationi prospiceretur ; sed dum collatae in id operae debitae laudes impenduntur, stimuli simul admoventur ut incepto perficiendo alacriter insistant Episcopi. Igitur in id ipsi élaborent ut in singulis Missionibus schola constituatur, in quam convenire debeant catholici pueri ad litterarum et christianae professionis rudimenta addiscenda. In urbibus vero amplioribus magisque conspicuis Dioecesis locis gymnasia etiam iuventuti pateant, ubi liberalioribus di- sciplinis navare operam possint adolescentes, qui pro suo in- genio aut ampliori quem obtinent in civitate loco in id ad- spirent. Atque haec quidem Instituta ipsa sibi necessarios proventus sufficere saepe poterunt.

Maximae item utilitatis Collegia erunt, ubi pueri ob oculos Moderatorum commorantes, diligentior! etiam ratione institui ad pietatem et litteras queunt; atque inde maxime prodire poterunt qui postea sacerdotum aut catechistarum vicem, pro rei dignitate, expleant.

Licet vero Instituta huiusmodi pro cuiusque regionis modo excitari in omnibus Dioecesibus debeant, tamen in iis prae- sertim ubi urbium amplitudo et celebritas, maior ac provectior civilis cultus id postulare magis videatur.

Quod vero attinet ad praeceptores, studeant Episcopi in suas Dioeceses advocare religiosos viros ac mulieres ex iis

O

Sodalitatibus, quae ad iuventutis educationem ex instituto in- cumbunt. Si vero res postulaverit, iis addi adiutores poterunt ipsi indigenae laici, non mediocri usui futuri.

VII. Haec autem omnia, quae S. Congregatio uti oppor- tunissima ad fidem sive tuendam sive amplificandam subiicit, prae oculis habeant isti sacrorum Antistites in Synodis Pro-