5"2G EMPHYTEUSIS.

nescit canon: sive enim hic accipiatur , ut signum recognitionis dominii; at hoc amplius locum non habet , nam cessante do- minio , cesset necesse est et eiusdem recognitio: sive autem acci- piatur ut correspectivum pro fructibus qui ab emphyteuta ex re percipiuntur ; iam et hoc etiam in casu correspectivum exulat, cum exinde nullus fructus percipi possit.

Nec meliori consilio invocantur principia, a subrogatorum natura proficiscentia : nam ut ipse Barbosa animadvertebat Axiom. 213 n. 2. - subrogatum non sapit naturam eius, cuius loco subrogatur, nisi vel in subsidium, vel quando subrogatio est in plenum ius. Intellige etiam , ut supra tetigimus n. 1 quando subrogatum habet qualitates eius, in cuius locum subrogatur, quia si qualitas, vel unum ex requisitis necessariis subrogato deficiat,- vel diversa inter utrumque datur qualitas, eius naturam , in cu- ius locum subrogatur, non sapit - Hanc ipsam doctrinam recipit et communiter tradit Rota Romana, ut videre est in Indice Gener rali Recentiorum Verbo Subrogatum. Iamvero ex praemissis lu- culentissime elucet diversitas naturae, quam habet pretium et natura quae rei emphyteuticae inhaeret. Quibus accedit, emphy- teusim culturam aut manutentionem (quando ex. gr. in emphy- teusim aliquis domum iam aedificatam accipit) necessario secum importare : neutrum vero pretio convenire quisque videt.

Denique cum plura sint onera et iura dominii utilis erga domi- num directum , et domini directi erga utilem, quae fuse expli- cant Doctores, difficillimum, ne dicam impossibile, accidit, ut una cum alteris componere et conciliare , ut suum ius unicuique , ceu iustitia postulat, reddi possit.

Neque vero hisce incommodis consultum satis esse dici pos - set ex investimento pretii in bona immobilia, vel in schedulas debiti publici peragendo, exemplo sumpto ex coactis venditioni- bus in vim bullae Gregorianae, vel Baronum, vel legis edicta- lis 9 Martii 1848. In hisce siquidem casibus ex diserta Ponti- ficis dispositione praescriptum fuerat , ut pretium vel in Loca Montium , vel in Schedulas debiti publici collocari oporteret. At contra in lege edictali 3 Iulii 1852 , praescribitur quidem, ut pretium rem venditam repraesentet,^et in ipsum omnia onera vel iura transferantur, neutiquam vero proceditur ulterius, ullam aliam obligationem par t ibus , quarum interest , imponendo. Ita-