526 EXCARDINATIONIS

Archiepiscopus S. contra praefatum Raphaelem modo questus movet , eumque de inobedientia atque reluctantia in exe- quendis obligationibus arguit. Rectae sane rationi consen- taneum videtur, ut filius, sub paterna constitutus potestate, ibi vitam ducat, ubi pater eius cum ceteris de familia domi- cilium perpetuum sibi elegit.

Argumentis usque huc adductis fastigium imponit optimum testimonium, quod de clerico R. Archiepiscopus Neapolitanus perhibet; quique precibus ab oratore pro excardinatione impe- tranda oblatis, votum suum addit.

Hisce omnibus tum in facto, tum in iure libratis, remissum fuit EE. PP. prudentiae decernere quonam responso dimitten- dum esset sequens

SS IB fi) i si sta

An et quomodo annuendum sit precibus Oratoris in casu.

RESOLUTIO . Sacra C. Congr. re cognita, sub die 29 Maii 1 8 8 0 censuit respondere: - Pro gratia, facto verbo cum SSmo.

Ex QUIBUS COLLIGES :

I.Proprio videri uti iure clericum, qui domicilium mutat eo con- silio, ut ab Episcopo novi domicilii ad ss. Ordines promoveatur.

I I . Episcopum posse ad ss. Ordines promovere quemlibet alienum clericum, qui ratione acquisiti domicilii in sua Dioecesi, eiusdem Episcopi fiat subditus.

I I I . Nam clericus qui suam relinquit Dioecesim, ut in alia verum atque reale domicilium figat, liber fit a ditione prioris Episcopi, sed iurisdictioni subiicitur illius Episcopi, in cuius Dioecesi sedem sibi elegit.

IV. Filium nondum emancipatum haud explere teneri, ex Cano- nistis, conditiones Constitutionis Speculatores pro domicilio acqui- rendo,respectu sacrae ordinationis, quatenus pater eius, sedem do- micilii in aliena firmaverit Dioecesi, easdem explendo conditiones.

V. In themate patrem Clerici R. ex depositione Archiepiscopi Neapolitani, nedum familiam resque suas Neapolim transtulit, sed solemniter declaravit, se inibi perpetuam constituere sedem ad normam Const. Speculatores.