529

LITTERAE SSmi D. N. Leonis XIII ad Episcopum Pineroli; quibus gau- det quod adhaereat doctrinis Angelici Doctoris, aliis posthabitis.

LEO PP. XIII.

Venerabilis Frater et dilecti filii, salutem et apostolicam bene- dictionem.

Gratulamur vobis, venerabilis frater et* dilecti filii , quod cum simul conveneritis consulturi profectui et perfectioni vestrae per spiritualem recessum et impensiorem caelestium rerum commenta- tionem , nec non inde quaesituri novam efficaciam novasque vires vestro ministerio , perspicue videritis hasce vobis eo uberius esse accessuras, quo arctius adhaereatis huic Petri Cathedrae, a cuius doctrina et monitis qui deflectunt sterilitate damnantur et disper- gunt. Iucundissimum idcirco Nobis accidit, vos in eo sententiarum conflictu, qui iamdiu scindit animos, illorum partes abiicere decre- visse, qui, decepti a subtilitate ingenii scientiaeque apparatu, alicu- ius e recentibus auctoribus mordicus placita retinent et documenta propugnant; ac statueritis eam potius sequi doctrinam , quam Nos designavimus utpote tutam ac solidam, et non modo commendatam a compluribus sanctis doctissimisque viris, a Romanis Pontificibus et ipsis generalibus Conciliis, sed et ab experientia, quae edocet eo magis inclinatas fuisse sublimiores disciplinas et eo latius et im- pudentius invaluisse errores, quo longius ab ipsa recessum fuit. Pro- fecto, si angelicum Doctorem sequamini, non solum purissimos hau- rietis ab ipso scientiae latices, sed eiusmodi robur et arma, quae vos et adolescentem clerum aptissimus faciant ad profligandam de- lendamque irrumpentium errorum phalangem. Hunc vobis omina- mur propositi vestri successum ; dum divini favoris auspicem et praecipuae Nostrae benevolentiae gratissimique ob stipem collatam animi pignus benedictionem apostolicam vobis, venerabilis frater et dilecti filii, totique isti dioecesi peramanter impertimus.

Datum Romae apud s. Petrum die 15 Novembris 1880, Ponti- ficatus Nostri anno tertio.

Acta, Tom. XIII. fase. CLV1. LEO PP. XIII.

34