329

L I T T E R A E A P O S T O L I C A E

De Missae Sacrificio in singulos dies festos pro populo ab omnibus Catholici Orbis Episcopis celebrando

LEO PP. XI I I

SERVUS SERVORUM DEI

Ad perpetuam rei memoriam

In suprema rei christianae procuratione, beato Petro Aposto- lorum principi eiusque successoribus divinitus data, illud Romanos Pontifices summa vigilantia providere necesse est, ut omnes sacro- rum ministri curam animarum gerentes sui muneris officia, ex qui- bus commune Ecclesiae bonum magnopere pendet, studiose et ac- curate exerceant. - In iis autem eminet sacrosanctum Missae sa- crificium, pro salute populi cui quisque praeest, nominatim facien- dum: cuius vim officii Patres Tridentini ex praecepto divino pro- ficisci tradiderunt (1). Quapropter ne quis in ea re delinqueret, Benedictus XIV Decessor Noster, editis Apostolicis Litteris u Cum semper oblatas n die XIX Augusti an. MDCCXLIV , edixit omnes et singulos, qui in aliqua Parochiali Ecclesia quocumque titulo animarum curam gerentes in singulis Dominicis aliisque diebus festis u non modo sacrificium Missae celebrare, sed etiam illius fru- » ctum medium pro populo sibi commisso applicare debere : nec n illud pro aliis applicare, aut pro huiusmodi applicatione eleemo- » synam percipere posse. » - Quibus quidem in litteris aperta Epi- scoporum mentio nulla est: nihilominus dubitari non potest, quin Pontifex sapientissimus quod de Parochis tam graviter praecipiebat, idem de maioribus animarum pastoribus intelligi tacite saltem et oblique voluerit. Idque multo veri similius apparet ex eo , quod proximus eius successor Clemens X I I I in hoc eodem genere expo-

(1) Sess. XXIV, cap. 1 de Reform.

Acta, Tom. XIV. fase. CLXVIII. 34