530 DECRETUM

etsi gravia ac permolesta fuerint, non tamen improvisa atque inopinata acciderunt. Siquidem iidem Monachi haud dissimili ratione paulo ante ohstiterant R.mo P. Ignatio ab Infante Iesu, eiusdem domus religiosae subdelegato Visitatori Apostolico. Quin etiam R. P. D. Placidus Kasangian Antiochenae Ecclesiae titulo consecratus, iam eiusdem Ordinis Abbas Generalis, nec non P. Seraphinus Hanemian supradictus, minime veriti sunt obsi- stere praecepto SS.mi D. N., qui eosdem ob non receptam Apo- stolicam praedictam visitationem in alias religiosas domos se- cedere iusserat, ut -spiritualibus exercitationibus ad mentem Sanctitatis Suae vacarent.

« Rebus ita_se habentibus sperare amplius non licebat eos- dem Monachos paternis adhortationibus et uberiori indulgentia ad bonam frugem revocatum iri ; atque idcirco ad ecclesiasticas poenas et censuras dolenter quidem, sed necessario tamen pro- cedendum erat. Verum ne illis tempus recogitandi ac resipi- scendi ulla ratione deesset, eos nedum semel, verum iterum ac tertio, canonice iurisque ordine ac forma servatis, monere non praetermisimus, ut praefatis Apostolicis Litteris obedirent, No- bisque pure et simpliciter scripto significarent, se promptos esse atque paratos ad Apostolicam visitationem Nostram excipiendam.

« Ast iidem Monachi, dum Apostolicae Sedi reverentiam verbo tenus profitebantur, Nostris monitis atque Apostolicis mandatis contumaciter restiterunt, datisque litteris protestati sunt, se non posse iisdem acquiescere. Quae quidem miseranda rerum con- ditio necessitatem Nobis ingessit canonicas poenas infligendi. Proinde Auctoritate a SS.mo D. N. commissa utentes P. Sera- phinum Hanemian Superioris locum in praedicta domo tenentem, iam Constantinopoli suspensum a divinis ac insuper irregulärem ibidem publice declaratum, omnesque et singulos Monachos ac religiosos viros Armenios Ordinis S. Antonii in praefata religiosa domo degentes cuiuscumque gradus existant, nec non ipsam re- ligiosam domum et continentem Ecclesiam interdicto Ecclesia- stico supponimus; cuius relaxationem SS.mo Romano Pontifici reservatam declaramus.

« Porro eosdem Monachos et religiosos viros etiam atque etiam adhortamur, et in Christo Iesu Domino Nostro enixe ob- secramus, ut a via sua prava nunc tandem aliquando recedant, et debitam praestent Nostris immo verius Apostolicis mandatis