475. De sancto Victore.

Ad Nocturnum.

1. Aeterno regi gloriae

Vocem demus cum laudibus,
Qui coronavit hodie
Victorem, nostrum praesulem.

2. Victor fuit in omnibus
Operibus et nomine,
Convertit multos fidei,
Cunctas evellens haereses.

3. Antoninum praenostica,
Sanctus praesul praedixerat,
Isto quoque in tumulo
Me sanctior locabitur.

4. Praesul Victor sanctissime,
Funde preces ad Dominum,
Ne pro reatu criminum
Poenis quassemur tartari.

5. Audi gementes, Domine,
Relaxa nobis scelera,
Nobis confer auxilium
Hujus precatu praesulis.

6. Gloria tibi, Domine,
Qui es corona praesulum,
Nobis medelam tribue,
Ut nos ducas ad superos.