E P I S T O L A S A N C T I S S I M I P A T R I S

Ad R.mum Abbatem Solesmensem, qui SS.mo Patri librum pole-

micum obtulit, cui ti tulus: De la monarchie Pontificale à

propos du livre de Mons. VEvêque de Sura.

Dilecto Filio Prospero Guéranger,

e Congregatione Benedictina Galliarum, Abbati Solesmensi

P I U S P P . I X

« Dilecte fili, salutem et Apostolicam Benedictionem. Do- lendum profecto est, dilecte fili, nonnullos esse inter catholicos, qui hoc nomine gloriantur, vitiatis penitus imbuti principiis, adeo praefracte istis adhaerent, ut, non modo plane subiicere nesciant intellectum adverso huius Sanctae Sedis iudicio, communi etiam Episcoporum assensu et commendatione roborato : sed imo cen- sentes, societatis humanae progressum et felicitatem illis omnino niti, Ecclesiam inclinare conentur ad sententiam suam, seque solum sapere arbitrati, reliquam omnem catb oli corum familiam aliter sentientem ultramontanae partis nomine designare non erubescant.

«Quam quidem insaniam eo compellunt,*ut divinam ipsam Ecclesiae constitutionem refingere aggrediantur et exigere ad re- centiores civilis regiminis modos ; quo supremi Rectoris et a Christo praepositi facilius déprimant auctoritatem, cuius praero- gativas expavescunt. Quamobrem perniciosas quasdam doctrinas saepius improbatas audacter in medium proferunt, uti indubias aut saltem plane liberas; corradunt e veteribus earum propu- gnatoribus captiunculas historicas, mutila scriptorum testimonia, calumnias Romanis Pontificibus affictas, sophismata quaevis, eaque omnia sepositis omnino solidis argumentis quibus centies explosa sunt, impudentissime regerunt; eo spectantes, ut animos commoveant, suaeque factionis homines et imperitorum vulgus adversus communem ceterorum sententiam incitent.