5 3 2 ASCULANA

ponere; deinde mulierem S. Congregationi validius com- mendare, ut, nisi ius benigniori aequitati impervium obsi- stere comperiatur, illa, quam propere per tempus licebit, vel libera declaretur a matrimonio invalido , vel apostolica dispensatione donetur in rato, si quidem i a dubio, absolute, sin dubio, ad cautelam. Status etenim sui libertatem explo- ratam ac certam habere pluribus iam, ut liquet, annis cupit, exposcit, contendit; proptereaque ab initio praesertim anni superioris ad hunc usque mensem frequentissime ad nauseam, modo per se, modo per alios, et Parochum urget et Curiam. Non tamen dedignor, nec spernendam aut negligendam puto. Urget quia acribus et ipsa stimulis urgetur, gravissimis v i - delicet causis, quae ad aliud absque mora ineundum matri- monium impellunt, atque idcirco ad prioris dissolutionem qualemcumque prosequendam. Breviter eas recenseo, ut una cum iis, quae in processus actis prostant, et aliae plures pateant, quae ibi hac illae iacent veluti delitescentes ; quibus sive singulis, sive coniunctis, rationabiles effici videntur Annae Campitelli preces, potestatem petentis ad alias nuptias quamprimum convolandi.

1. Tum Anna Campitelli, tum Angelus Bordoni con- stanter negant, se animum habuisse matrimonium contra- hendi. 2. De matrimonii valore dubitatur etiam, nec imme- rito, ob alterius testis defectum. 3. Neutra pars alteram quaerit. 4. Quinimmo Anna maritum aversatur tanta aetate provectiorem, et quodammodo fatuum; Angelus ab uxore qualicumque refugit. 5. Mulier nubendi fuit et est studiosa, nec capere proinde posse videtur evangelii verbum de eunu- chis. 6. Pluries ab aliis viris quaesita, oblatam sibi oppor- tunitatem, ob hypotheticum illud ligaminis impedimentum, amisit. 7. Aliam in praesens ad manum habet bonam hu- iusmodi occasionem. 8. Viro indiget ad levamen inopiae, necnon ad praesidium solitudinis, in qua propediem a pa- rentibus sexagenariis relinquetur. 9. Annos nata septem supra triginta, quando occasionem hodiernam non arripuerit, manebit innupta. 10. In periculo incontinentiae versari pu-