MASSILIEN. 533

Pins nuncupatum pervenerit, ubi certior est factus ibi Dioecesis suae fines extare, e rheda descensus Sanctis Ecclesiae suae Pa- tronis se suppliciter commendavit. Noctu Massiliam ingredi vo- luit ne publicis honorum signis a populo exciperetur, et Cathe- dralem Ecclesiam recta petiit orandi caussa, atque exhinc ad episcopalem domum, Praeposituram appellatam, perrexit; quae quum nimis elegans sibi videretur, pauperum nosocomium, iuxta eum vere Episcopis accommodatum, incolere exoptasset.

Sed iam virtutum fama eum Massiliae praevenerat: nam Antonius de Ruffi in historia Massiliensi, quam in lucem edidit priusquam Dei Servus episcopalem consecrationem susciperet, de Eustachii obitu loquens scribit: « veramente questa perdita sarebbe loro (Massiliensibus) stata insopportabile se Messer Gio- vanni Battista Gault, di lui fratello, non fosse stato scelto dal Re per rimpiazzarlo in quel posto, che le sue virtù gli fanno così meritamente occupare. L'altezza della sua dottrina, e l'integrità della sua vita sono note a tutti coloro che conoscono il suo nome, e lo hanno condotto agli onori ed alle dignità, per quelle stesse vie che aveva esso seguite per evitarle ». Quo factum est ut, licet noctu Massiliam pervenit, eius adventus fama un- dique propagaretur, atque idcirco plurimi etiam dignitate insi- gnes obsequii benevolentiaeque caussa eum convenerunt, quos humanissime excepit. Quum itaque ingentem visitationum nu- merum animo prospiceret, ex huiusmodi honore sese voluit eximere, ac postridie eius diei quo Massiliam pervenit, ad Au- bagne locum se recepit, ubi Massilienses Episcopi dynastum dignitate fruebantur. Octo post dies quo inibi commoratus est, atque ubi nonnisi iuvenes perquam comiter excepit, quos ad odium peccatorum, ad amorem probitatis animaeque salutem excitavit, Massiliam repetiit, dieque postero post Missae sacrifi- cium ante aram S. Lazari peractum, Divino Officio Missaeque solemni interfuit, atque ea expleta, tanta pietate benedictionem populo, impertiit, ut omnium admirationem amoremque sibi comparaverit. Concionem etiam post Vesperas ad populum ha- buit, sumptoque eius diei Evangelii textu, nuptiarum Canaë mi- raculum respiciente, scitissime demonstravit se cum Ecclesia Massiliensi spirituale ac indissolubile coniugium iniisse, atque adeo graves et verae sententiae erant, tantaque in omni gestu ac habitu pietas emicabat, ut vixdum e suggesto descendit, cun- cti eum acervatim circumierint, nedum animo benedictionem