534 MASSILIEN.

accipiendi, sed et vestes eins tangendi venerationis studio quam in illis inspirabat. Hinc quum valde in edisserendo adnisus sit, pectoris morbo quo antea affectus fuerat, rursus laborare coepit, medicisque Aubagne commorationem illi suadentibus respondit se Massiliae Episcopum, minus autem Aubagne dynastem a Deo fuisse constitutum.

Quum igitur in eius animum alte defixum haereret Episco- porum munus in gregis sibi concrediti utilitate versari, statim atque Ecclesiam Massiliensem administrandam suscepit, suas convertit curas ad pietatem in populo .augendam, ad missiones obeundas ac abusus evellendos. Hinc ut ecclesiastica disciplina sarta tecta servaretur, morem abrogavit dispensationem conce- dendi a duabus publicationibus matrimonii causa faciendis, do- ctorumque ecclesiasticorum commissionem instituit qui semel in hebdomada cogebantur, ne in Dioecesi negotii aliquid nisi maturo examine susciperetur. Praeterea saepissime conciones habebat vel pastoralibus orationibus ad pietatis officiorumque munera populum informabat, ac primo Quadragesimae die quo de ciborum abstinentia disseruit, plures eius suasionibus inhae- rentes ieiunium servare decreverunt, licet ex lege minime de- vincirentur. Quam ad rem Acta ferunt, sacerdotem, aetate gra- vem, qui a cibis esurialibus dispensationem imperaverat, piis- simi Praesulis verbis permotum, rigidissimum ieiunium egisse, seseque a butyri oleique etiam usu abstinuisse. Brevi pontificatus tempore in deliciis habuit quotidie sacrum facere, confessiones excipere, aegrotos in hospitiis commorantes, monasteria et asyli domus invisere, aliaque charitatis opera in pauperum subsidium exercere, quibus large eleemosynas impertiebatur, haud dubitans eorum intuitu rebus necessariis sese privare. Hinc quum cu- rator rei familiaris de largis eleemosynis cum illo querebatur, aiebat episcopatus bona ad se minus, sed ad pauperes perti- nere, seque paratissimum esse ad currum, equos atque vasa argentea distrahenda, si redditus defecissent.

Ubique locorum peccata essent impedienda, rectumve con- silium praebendum, eo accurrebat celeriter, nec dubitabat foe- minas in flagitiorum coeno perditas adire, iisque eleemosynas elargiri, ut ad bonam frugem redirent, quarum nonnullae prae- claro eius virtutum exemplo et notationibus incitatae ad salu- tarem poenitentiam officiumque traductae sunt. Neque satis: etenim simul ac ad eius aures perveniret aliquod in urbe scan-