5 3 4 Ex S. C. Concilii

terii legem, privilegium tumulandi amisisse. Hoc impugnat advocatus, quia ex constitutione publici coemeterii tantum lo- cus sepulturae materialiter fuit mutatus, sed iura immutata manserunt. Item nullo in calculo habendum est aliud obiectum ad impetendam legitimitatem praescriptionis post publicatum Concordatum, tum ob malam fidem, tum quia leges Concor- datariae non sunt praescriptioni obnoxiae. Nam ait advocatus ad cohonestandam in Capitulo bonam fidem omnes rationes concurrere, quae allatae fuere pro statuenda in eodem manu- tentione possessionis privilegiorum. Praeterea leges Concor- datariae praescribuntur, si considerentur, non sub aspectu quo moderantur relationes inter duplicem potestatem, sed sub alio aspectu quatenus nempe moderantur relationes cum subditis, et ius commune privatum efformant.

Demum advocatus refellit parochorum querelas praesertim quoad administrationem baptismi et funerum celebrationem. Non enim, ait ipse, invenitur incommodum in eo quod ba- ptismus conglobatim seu pluribus simul personis conferatur, quia hoc est iuxta praescriptionem Ritualis Romani (Tit. 2, cap. 2, n. 2j)\ neque incommodum habetur in hoc, quod pa- rochis non relinquatur notula baptizatorum, sive quia eiusmodi notitia hauriri potest tum ex libris baptizatorum Capituli tum ex censu animarum, sive quia haec notula neque traditur a Capitulo Patriarchalis Basilicae S. Petri. Si aliqua praeterea in- commoda oriuntur ex funerum celebratione, id contingit, con- cludit patronus, quia parochi pro iis persolvendis in propriis ecclesiis ingentes exigunt taxas.

Animadversiones ex officio. Modo nonnulla sunt addenda circa duas alias funerum quaestiones, quas parochi Barcinonenses habent cum aliis ecclesiis non parochialibus et praesertim cum beneficentiae Asylo Casa de Caridad.

Prima quaestio invenitur in quodam usu Barcinonae in- valso, ut quando aliquis moriatur, in paroecia officium funebre et missa exequialis peragantur, et postea die non impedita