LITTERAE AOSTOLIGAE 535

lege hodie iubeantur omnibus diebus festis sanctum Sacrificium in Cathedrali templo peragere.

Quamquam vero minime necessarium, opportunum tamen du- cimus declarare, ea quae supra constituta sunt, ad Episcopos non spectare, qui Titulares dicuntur, quique ad dignitatem episcopalem promoti, ideo a Romano Pontifice titulo decorantur Ecclesiarum Cathedralium, quae olim florentes, nunc Clero populoque catholico destituuntur, ne scilicet antiqua earum dignitas et memoria pe- nitus deleatur. Cum enim ipsi sedium suarum possessionem non capiant, qua dumtaxat suscepta munus, de quo diximus, Episcopi implere tenentur (1), cumque nullus neque Clerus neque populus eorum regimini tradatur, satis constat, eos uti carent usu atque exercitio potestatis ex episcopali consecratione acceptae, ita etiam haud esse officiis atque oneribus curae episcopalis obnoxios. Sed ta- men si aequitatis caritatisque episcopalis ratio habeatur , non po- test non consentaneum videri, eos etiam interdum sacrificium of- ferre, ut respiciat Deus miseram Ecclesiarum illarum conditionem, quarum titulo et nomine ipsi honestantur. Huic rèi optime con- gruunt quae a Pio VI Decessore Nostro in consecratione Episcopi Cyrenensis die IV Octobris an. MDCCLXXVIII in Basilica Ostiensi dicta sunt: cum scilicet enumerans caussas ob quas Apostolica Sedes •ecclesias etiam ab infidelibus occupatas conferre solet , « oportere, » inquit, aliquem, existere cui singulariter incumbat, si non regere » captivam illam miseri gregis portionem, preces saltem ac lacry- » mas pro eadem ad misericordiarum Patrem assidue effundere ».

Volumus autem praesentes Litteras, omniaque et singula in iis contenta inviolabiliter observari, et de subreptionis, aut cuius- cumque invaliditatis vitio intentionisque Nostrae et quocumque alio defectu a quoquam notari, impugnari, vel in controversiam vocari nullo unquam tempore posse; sublata cuilibet aliter de his iudicandi et definiendi potestate: et quidquid secus super his contigerit at- tentari, irritum et inane decernimus. Non obstantibus Constitu- tionibus et Ordinationibus Apostolicis, etiam in generalibus Con- ciliis editis, nec non Cancellariae Apostolicae regulis, statutis quo- que etiam, iuratis , consuetudinibus etiam immemorabilibus, atque indultis etiam Apostolicis quomodolibet hactenus concessis, ceteris- que contrariis quibuscumque. Atque hae Litterae Romae publica- tae perinde habeantur ac si unicuique eorum, quos concernunt, per- sonaliter intimatae et notificatae fuissent.

(1) S. C. Rit. in Mar sor. 12 Novemb. 1831.