536 GALTELLINOREN.

manda decisio, qua EE. PP. rescripserunt, cumulative ad parochum et Capitulum spectare ius administrandi bapti- smum et custodiendi libros baptizatorum; ut idem dubium, clare in facti et iuris adiunctis pateat, recolendum est Vo- lum. X X I V , 97 et Vol. X X V , 213.

Disceptatio Synoptica.

DEFENSIO CAPITULI. Capituli Galtellinorensis patroni post- quam fusiori calamo facti speciem descripserint, in quinque capita orationem suam distribuunt. Ac primo contendentes ius capitulo inesse administrandi Baptismum et libros bapti- zatorum custodiendi, id promanare adnotant ex cura habi- tuali, vi cuius parochus actualis uti famulus seu operarius capituli censendus est, qui iuribus et emolumentis iam inde a sua institutione assignatis contentus esse debet ad tradita a Gabriel consil. 190 lib. 2 n. 7 et 8, De Luca disc. 22 n. 7 De parochis, Rota in Romana funer. 4 Decembris 162.0 cor. Coccino. Curam vero habitualem penes Norensis cathe- dralis capitulum residere evincunt, tum ex ipsius apostolici executoris verbis « il capitolo verrà esonerato della stessa cura attuale, ritenendo la cura abituale », tum ex conditione a capitulo in paroeciae erectione apposita, qua curae actuali nuncium mittebat : « ritenendo la cura abituale ». Quibus adstipulatur et alia eiusdem capituli declaratio paulo ante executionem apostolicae constitutionis, et ipsius tenor de- creti executorialis, quo indulgetur, ut canonici sacramentales confessiones excipientes vel in curati adiutorium in civitate concionantes tamquam in choro praesentes habeantur. Neque dicatur ex hoc argui non posse curam habitualem explicite fuisse indultam, cum apostolicus administrator expresse de- claraverit conditionem a capitulo appositam in praefatae constitutionis executione prae oculis habuisse et religiose servasse.

Ex his igitur autumant ortum duxisse quod canonici, absque praevia curati venia Baptismatis sacramentum ad-