tantum ut obsisterent nominationi Bartholomaei C..., et Vitus usque ab initio concupitus et nominatus fuerit, ac omnibus sit carus et dilectissimus.

Quibus disputatis propositum fuit.

DUBIUM

An et cui danda sit institutio.

S. Congregatio Concilii die 27 Ianuarii 1877 respondit : « Institutionem dandam esse Sacerdoti Vito C... et Sacerdos Caietanus B... provideat conscientiae suae.»

Ab hac resolutione novam impetravit Caietanus audientiam atque absolutionem a censuris obtinuit. Nihilominus repropo- si ta causa, sub dubii formula « An sit standum vel receden- dum a decisis in casu » die 30 Iunii eiusdem anni eadem S. Congregatio reposuit. In decisis et amplius.

Ex INDE COLLIGES.

I. Excommunicationem S. Pontifici reservatam incurrere, qui in causis ecclesiasticis ad laicam recurrit potestatem, quae excommunicatio intacta servata fuit in Constitutione Apostolicae Sedis.

IL Regulares ob praesentium temporum vicissitudines extra claustra degentes , non aequiparari saecularibus sacer- dotibus in beneficiorum assecutione, sed ea, de licentia Su- periorum ac de Ordinarii consensu, posse tantum retinere ad nutum eiusdem Ordinarii.

III. Ad validitatem nominationis dictorum regularium in beneficiis iurispatronatus , requiri ut apponatur conditio di- spensationis ab inhabilitate habendi beneficia.

IV. Hinc patere ex Instructione S. Poenitentiariae quoad hoc incapacitatem in regularibus ablatam minime fuisse, sed solummodo concessam fuisse Ordinariis facultatem eosdem ad nutum deputandi in administratione beneficiorum.

V. Si Ordinarius irrationabiliter deneget praesentato in-