LYCIEN. 541

Sed haec in genere. Quia in praesenti specie potest ul- terius observari, familiam Palmieri ante abbatialis domus usurpationem patronatum possedisse, et tamen odeo tunc fruitam non esse, spectabat enim abbati; quod autem post usurpatam domum, post hanc scilicet iniquam operam, imo per eam, ius illud familiae Palmieri cesserit et creverit, inconcinnum prorsus cogitatu est.

Quae cum ita sint, veluti superflua , missa fait quae- stio , utrum scilicet fratres Palmieri, quatenus habuerint pro se et pro suae domus inquilinis praefatum odei ius , potuerint in alienatione domus idem ius aliis venditione- transmittere; super quo etiam non pauca forent dicenda: et gradus factus est ad alium titulum explorandum, nempe ad privilegium apostolicum: et hoc quidem petiisse et obtinuisse- Michaelem Pedio testis est Ordinarius. Et gratia obtenta est sub conditione ut crates odeo apponerentur. Porro quam- vis ex hoc videretur familia Pedio omne tulisse punctum , ita tamen non est. Nam 1. quaeri potest curnam- haec fa- milia, quae nullum non movit lapidem, inhonestaque ipsa experta est, ut causam vinceret, tamen dé apostolico rescri- pto numquam, neque in praesenti quo agitur coram S. C. C. ljtis gradu, verba fecerit. Illud autem Horontium Pedio non latebat: quapropter suspicari non inconcinne potest, actorem Horontium credere, ex eo rescripto parum suam causam iuvari.

De cetero cum simus in materia privilegiorum , potest opponi doctrina communiter recepta, quod allegans privile- gium tenetur illud probare. « Privilegia non attenduntur nisi de eorum veritate doceatur. » Benedictus XIV tom. 2 constit. Causarum. Et c. Porro De privileg. 32 edicitur, « inspicienda esse privilegia ut eorum tenor servetur. » Concordat c. Contra morem dist. 100* ubi haec leguntur: « Aut mos omnium est servandus, aut si ecclesiae tuae » aliquid specialiter dicis esse concessum a vobis oportet » ostendi. » Cfr. Ferraris v. Privilegium art. 2 n. 29, Reiffenstuel, ad tit. De privileg, n. 26 seqq.