ASCULANA 5 4 ì

quod matrimonium fuit fictum non vero dolo, sed ioco. Ma- trimonium fictum est nullum, etiam eo casu in quo fictio* sit ex una tantum contrahentium parte, et in casu habetur matrimonium fictum ioco ex utraque contrahentium parte. Ideoque dicerem cum Pyrhing. lib. 4 Sect. i n. 95: « Qui flete contrahit... invalide contrahit... Simulatus autem con- sensus non est verus, ideoque etiam simulatum matrimo- nium non est validum... potius spectandum est quod re ipsa agitur, quam quod simulate concipitur. »

Nec contra dici potest quod fictio nullatenus admitti possit in casu, ex eo quod factis loquimur et consensum exprimimus non minus quam verbis ; et pluris sit aliquid facere quam verbis renuntiare. L. Si autem § de aediL Edict. Et ex Cap. Per tuas de Praeb. « Nimis indignum est iuxta legitimas sanctiones ut quod quisque sua voce lucide protestatus sit, valeat proprio testimonio infirmare. » Haec utriusque iuris testimonia non possunt inficere nullitatem matrimonii in casu, nam textus loquitur de operante fìcte per dolum et non per iocum ; neque de casu in quo ex utra- que contrahentium parte patretur. Quapropter, etsi iocus reprobari debeatur, in casu tamen ex eo veritatem consensus nefas est deducere et affirmare, nec matrimonium ioco fictum ex utraque contrahentium parte esse verum et validum.

Quae nullitas, vel dubium saltem de validitate matri- monii in casu, magis firmatur ex carentia testium iuxta mentem Concilii Tridentini Sess. 24 c. i De reform. Re quidem vera Matrimonio, de quo in casu, praesentes et testes erant mulieres Angela Amadio et Aloysia Agostini, quae parochi est soror. Ista affirmat quod altera testis ne- gat, scilicet Angela Amadio, quae statim post matrimonii praesumptam celebrationem, interrogata a parocho utrum intellexerit quae dicta et facta fuerant a sponsis, respondit, se nihil intellexisse. Hoc Angela dixit anno 1868: verum anno 1874 iudicialiter examinata dixit, se intellexisse tan- tum quae dixerat Bordoni et non intellexisse, nec vidisse ullum consensus signum ex parte Annae Campitelli. Quando