54*

M A N D B L E . N .

SOLUTIONIS

Die 23 Ianuarii 1892. Sess. 25 c. 12 De reform.

COMPENDIUM FACTI. In Civitate mandelensi eiusque te r - ritorio, curam animarum, quae num Capitulo Ecclesiae Ca- thedralis habitualiter immineat ex deductis haud constat, iam a tribus saeculis archipresbyter, quatuor presbyteris v i - cariam operam praebentibus, exercet. Ex huiusmodi coadiu- toribus duo, qui canonicatus sub titulo S. Silvestri et S. Theo- dori iugiter obtinent, praeter adnexae praebendae reditus, vi consuetudinis etiam S. C. C. decretis confirmatae, ali- quid de decimis a parocho collectis percipere solebant. Si- quidem ex septem decimarum partibus quinque archipresby- tero, reliquae duobus canonicis assignabantur.

Praxis haec adamussim servata fuit usque ad annum 1860, quo regius Umbriae commissarius, futuras italicas spoliationes praeveniens, et irrisionem impietati addens, die 29 Octobris decretum edidit, quo ius decimandi substulit, appromittendo curam animarum habentibus subsidium pro decimis.

Ita decimandi iure sublato, archipresbyter mandelensis penes gubernium agere coepit, ut subsidium consequeretur; ac illud reapse die 22 Ianuarii 1863 in annua summa li- bellarum 852,33 obtinuit, quin duos coadiutores canonicos, qui decimarum partem amiserant de eo participes efficeret.

Anno 1877 vacans praebenda sub invocatione S. Silve- stri collata fuit sacerdoti Herculi Mazzetti, qui ante illius assecutionem in curia scriptis declaravit, sese nuncium mit- tere, pro bono pacis, iuri decimarum, quae ad se specta- rent, et aequivalenti vi pecuniae, quam praesens Archipre- sbyter percipit a gubernio italico.

EX S. CONGREGATIONE CONCILII