544 Onerum

Disceptatio synoptica.

EA QUAE RECTORIS FAVORE PROSTANT . Rector animadvertit,

voluntatem fundatoris huius Beneficii imprimis esse petitioni

suae favorabilem. Nam in instrumento fundationis inter alia

habetur quod si Rector illius ecclesiae nominaretur Canonicus,

aut Parochus etc. intelligeretur vacare illa ecclesia, et eo ipso

nominari deberet alius Beneficii Rector. Et alibi in eodem

instrumento habetur: « quod Beneficium esse debeat simplex,

« sine Cura et de iure patronatus laicorum ; huiusmodi natu-

« ram, qualitatem et conditionem immutabiliter habiturum et

« cunctis futuris temporibus retenturum, et non alias, aliter

« nec ullo modo. Rector vero pro tempore teneatur eidem

« ecclesiae Beneficiali laudabiliter inservire ».

Ex quibus verbis duas ait praecipuas esse conditiones a

fundatore impositas; nempe ut ecclesia sit sine Cura anima-

rum, et ut Rector ei laudabiliter inserviat. Conditio secunda

cum importet onus genericum ei satisfieri affirmabat, quum

opera Rectoris quotannis tradantur spiritualia exercitia spatio

octo dierum, et recitetur Missa cunctis diebus festis. Neque

a fundatione erui posse, obstringi Rectorem ad residentiam ;

sed tantum nancisci non posse aliud residentiale Beneficium,

ne nimis abstraheretur ab ecclesia Patrocinii.

Si quaestio fiat de derogatione, recolendum esse ex Tri-

dent, c. 6, sess. 23, de Reform., derogari non posse nisi ex

iusta et necessaria causa. Et sess. 23, cap. 3: « quando igitur

« ex Beneficiorum quorumcumque erectione seu fundatione,

« aut aliis constitutionibus, qualitates aliquae requiruntur, seu

« certa illius onera sunt iniuncta in Beneficiorum collatione,

« seu in quacumque alia dispositione, eis non derogetur ».

Insuper instructionem religiosam non deesse inquiebat, quod

incolae eius loci facile accederent ad paroecias, et in Benefi-

ciali ecclesia plures conciones haberentur in anno.