Appendix H

APPENDIX II

DE DISPENSATIONIBUS MATRIMONII RATI ET NON CONSUMMATI § 3. De subiecto Potestatis ( I ) .

40. Cum haud unicum sit ecclesiasticae potestatis subie- ctum, inquirendum nunc est in quonam, et quidem spectato iure divino, resideat haec potestas solvendi matrimonia rata et non consummata.

41. Uti patet nulla potest esse quaestio de Romano Pon- tifice et de Concilio Oecumenico, sicut etiam de ecclesiasti- cae iurisdictionis hierarchiae gradibus, quae ex Ecclesiae insti- tutione sunt.

42. Tota igitur quaestio limitatur ad Episcopos, quos Spiritus Sanctus posuit regere Ecclesiam Dei {Act. xx, 28).

43 . DD. antiquiores per transennam de hac Episcoporum potestate loquuntur. Nimirum, quando adstruunt potestatem in Romano Pontifice solvendi matrimonia rata et non con- summata , sibi obiiciunt quod si Papa dispensare posset a matrimonio rato et non consummato, posset etiam Episcopus.

44. Sic SÁNCHEZ (de Matrimonio, lib. 2, disp. 14, n. i),

postquam argumenta attulisset favore sententiae, quam de- fendit, sc. posse Romanum Pontificem solvere matrimonia rata, inter alias obiectiones, sibi opponit etiam : « Quia similiter posset Episcopus dispensare, cum nullibi reservatum sit, et quae potest Pontifex in toto orbe possit Episcopus in sua dioecesi, nisi ei specialiter reservetur ».

Sic etiam BONACTNA (Opera, tom. I, de magno Matrimonii sacramento, quaest. 2, puncto 11): « Obiicies secundo, Episco- pus non potest dispensare in matrimonio rato; ergo neque Papa potest in eo dispensare, nam Episcopus potest in sua dioecesi quidquid potest Papa in toto orbe ».

( i ) Cfr. Acta S. Sedis, vol. 3y, p. 1 3 1 et 3 4 6 .