487. De sancto Vincentio.

1. Deum virginis filium,
Pie martyr, propitium,
Vincenti, tua poscentibus
Recide festa colentibus.

2. Qui victo mortis principe
Ejusque strato milite
Victor sublimis hodie
Regna petisti patriae.

3. Tortor victus erubuit,
Ad Deum poena te ducit,
Augmentatur in gloria
Tibi poenalis machina.

4. Judex confusus aestuat,
Ira mentem exagitat,
Ultra nescit, quid faciat,
Sed se victum adjudicat.

5. Tu jam miles emeritus
Atque coronae conscius
Patris tendens ad solium
Dolores spernis vulnerum.

6. Ergo, miles emerite,
Nos ferre tecum satage,
Ut fieri participes
Coeli possimus gloriae.

7. Praestet pater et filius,
Praestet amhorum spiritus,
Praestet verax et veritas,
Praestet heata trinitas.