544 ASCULANA

matrimonium, quod yol vente anno 1865 coram parocho et testibus contraxerunt Angelus Bordoni, in aetate annorum circiter 40 constitutus, et Anna Campitelli, duos supra vi- ginti circiter annos nata, minime se consensisse, sed locasse, dicunt, atque a coniugum genio se perpetuo abstinuisse.

Laetissimi viri consultores, cum matrimonii nullitatem nec ipsi exploratam habeant, ad extraordinarium confugiunt dispensationis remedium. Re tamen sedulo perpensa, nec ordinarium iustitiae, nec gratiae extraordinarium remedium actoribus praesto esse videtur. Enimvero quod attinet ad primum, ipsimet actores, dum defectus consensus in matri- monium astruere pertentant, in tot laqueos se induunt, quo- rum ex nullo se unquam expédient. Non omnes recenseam sed duos momentosissimos heic referam.

Profecto actrix in supplici libello, praesentis iudicii basi ac fundamento, ponit: ridendo Angelum Bordoni dixisse; haec est uxor mea; cui nil responsum fuisse a muliere ob risum excessivum.

Iam vero ipsamet actrix in orali examine affirmat : An- gelum Bordoni dixisse parocho - haec uxor mea est - seseque respondisse, et tu maritus meus es.

Neque magis de veritate sollicitum sese exhibet vir, An- gelus Bordoni, quippe qui parocho, eum ad onera coniugalia urgenti, refert se respondisse: omnino ab uxore capienda abhorrere. Versa vice parochus testatur: quod Bordoni ri- dendo egressus est de domo mea una cum puella Campitelli dicens matrimonium peregimus.

Sed matrimonium irritum proclamant etiam, quia non constat Angelam Corradetti, alteram ex testibus ad matri- monium adhibitam, audivisse verba matrimonialis contractus ab Anna Campitelli prolata. Nam parochus testatur, An- gelam una vice dixisse: intellexi id quod Bordoni protulit, minime vero quod puella respondit ; altera vero vice dixit : haud memini.

Huiusmodi testationem parvipendo. In iudiciis enim, te- stibus, non testimoniis, creditur. Angela autem etsi audita