544 AGRIGENTINA

quam tamen rem potiusquam patri, significare voluit advo- cato Bartholomaeo Germain, qui Iosephae patrem de Fran- cisci defectu moneret.

Cum autem advocatus, prouti etiam ipse testatur, medici mandatum haud executus sit, die 16 Aprilis anni 1890 Di- catae Agrigentinae Dioeceseos Franciscus et Iosepha legiti- mum coram Ecclesia contraxerunt matrimonium, atque sta- tim thalami societatem sunt aggressi.

Sed Franciscus ad officia coniugalia adimplenda impar fuisse edetur, quare quinque vel sex dies post nuptias Sal- vator re conscius, sponsum Panormum adduxit ac ibi tres consuluit medicos scientia praestantes, qui Francisci geni- talibus examinatis, testes atrophia iam a medico Basile re- cognita adhuc laborare confirmarunt.

Franciscus postea Panormo discedens in patriam perrexit, nec amplius Leocatam ad uxorem reversus est.

Post haec Salvator quam cito, ut infelicis filiae condi- tioni prospiceret, laica tribunalia adivit, nullitatis matri- monii declarationem ob manifestam Francisci impotentiam petens. Huic iudicio pro viribus restitit conventus Franci- scus, at iudex 24 Maii 1892 sententiam pronunciavit, qua plene Iosephae eiusque parentum votis annuit.

Paucis a tribunalis civilis sententia transactis mensibus, supplicem Iosepha porrexit libellum ad Episcopum primum, deinde ad Romanum Pontificem, ut infaustum connubium irritum edicere tur vel saltem, utpote non consummatum, Pontificia auctoritate dirimeretur.

S. C. Concilii Episcopo agrigentino iudicialem inquisi- tionem demandavit, qui, constituto Tribunali, per Iudicem delegatum iuratas actricis eiusque septimae manus deposi- tiones excepit. Franciscus quoque interrogationi iudiciali se subiecit et septimae manus testes adduxit, at perfracte re- cusavit ut, eius genitalia a medicis iterum exploraren tur.