548 REDDITIONIS

n. 46. Tantum vero abest quod Canonici per substitutos Laicos officio suo satisfacere possint et valeant, ut eisdem vetitum sit quominus permittant ut laici stent vel sedeant in choro, dum divina celebrantur s. Congr. Rit. in Compostellana 4 Februa- rii 1600. Omnibus itaque perpensis, consuetudinem in vim cu- ius Canonici W. divinis officiis intersunt, quin eadem tamen voce sua sequantur, vel per laicos substitutos eiusdem divini officii horas persolvunt, nullo pacto substinendam esse tuto concludi posse videtur.

Quoad consuetudinem inolitam habendi uti praesentes in choro Canonicos, qui Missam privatam celebrant, divini officii tempore, supervacaneum videtur sermonem instituere, cum et ipsa opponatur dispositioni Tridentini in Sess. 24 cap. 12 de Reform. Tantum adnotare placet in more esse S. O. uti praesentes in choro habendi Canonicos, qui Missam privatam celebrant, Divini officii tempore, de licentia tamen Praefecti chori et in populi commodum, ceu prae ceteris videre est in s. Miniatis 8 Februarii 1817, Anagnina 20 Novem- bris 1819.

QUAE CONSUETUDINI FAVENT. EX altera sed vero parte, con- suetudinem circa rationum redditionem penes Capitulum, a sae- culis vigere Canonici contendunt, eamque in suo robore firman- dam esse. Nam a tempore Concilii Tridentini numquam Epi- scopi W. rationum redditionem a Capitulo poposcerunt, iudican- tes nullum ex hoc exoriri posse damnum bonis et fundationibus sub manu et patronatu Capituli existentibus. Praeterea quoad pias fundationes, nedum Capitulares quamplures, sed etiam non- nulli Episcopi, post Tridentinum, summas frugiferas ad manus Capituli reliquerunt. Ast sic facientes novum, aut non usitatum onus imponere Canonicis nolebant. Quum contra ius commune, iure Tridentino non excepto, praescriptio valeat, ius hoc per trecentos et amplius annos non usitatum apud nos, videtur de- siisse Capitulumque obligationi eiusmodi non subiacere. Hisce in facto et in iure super immemorabilis consuetudinis valore atque efficacia perpensis, Canonici concludere autumant, nihil