AGRIGENTINA 549

cur Iosephae genitalia in ecclesiastico iudicio denuo explo- rata non sint: respondendum est Iosephae patrem id inhi- buisse; filiam autem patris voluntati obviam ire nequivisse. Qua autem de causa libenter patris vetita obsecuta sit filia oratoris investigare non interest, cum eidem sufficiat ma- trimonium Iosephae et Francisci inconsummatum demon- strasse.

Sed, prosequitur Iosephae procurator, alia et quidem gra- viora pro inconsummatione militant argumenta. Porro me- dicus Basile, Francisci virilitate paucis ante matrimonium diebus inspecta, iuratus affirmavit, testiculos se invenisse adeo atrophos, ut Franciscum coeundo imparem esse certo compererit. Neque dubium est quin illi credendum sit. Hoc quippe iudicium tunc revera fuisse factum non autem hodie dolo confictum, testis est advocatus Bartholomaeus Germain, qui de illo certior extemplo factus est, ut Salvatorem Io- sephae patrem, ad impediendas nuptias, praemoneret; quod tamen se inconsulte non praestitisse sero fassus est: testes sunt Leocatensis Parochus, Leocatensis praetor, alii plures qui idem a Basilio acceperunt ac ipse Franciscus, qui a iu- dice interrogatus, diffiteri non potuit, se Basile tunc temporis consilio fuisse usum. Basile insuper sententiae, tres Panor- mitani multi nominis medici iurati subscripserunt; addentes sibi esse persuasum vitium, quo Franciscus laborat, matri- monium praeivisse; nullum autem remedium, quod etiam Basile animadverterat, ad illud sanandum excogitari posse.

Quinimo, urget orator, rei iudicatae huc accedit aucto- ritas. Motucensis laicus iudex, die 24 maii anni 1892, ad scientiae praecepta re perpensa, aliorumque medicorum ex- quisito consilio, Franciscum coniugali muneri praestando inhabilem existimavit, et irritum fecit matrimonium. Civiles leges, quibus iniuria regimur, longe rigidiores quam cano- nicae sunt in dissociandis, hac de caussa, connubiis. Haud enim satis habent, vitium, ex quo impedimentum oritur, insanabile esse, nisi etiam oculis manifesto deprehendi possit {cod. civ. art. 107), ita ut frigidum virum, qui nempe in-