550 A SC ÜL ANA

egerit in duabus diversis causis Meliten. Iurispatronatus et functionum una die 17 Martii 1854, altera 18 Iu- lii 1856, ubi dubitationes exortas amputavit, applicati» declarationibus S. C. Rituum in citato decreto contentis. Ideoque nihil obstat, imo omnino iuri consentaneum est, ut et praesens controversia rectorem ecclesiae inter et sodali- tium in ecclesia receptum exorta, compescatur et compona- tur iuxta normas decreti Urbis et orbis.

Neque dicatur, sodalitium hospitem esse in ecclesia s. Au- gustini, ideoque aut acquiescendum sibi esse, aut ab eccle- sia recedendum. Quandoquidem quum ibi sodales voluntate Episcopi convenerint, ius obtinent non modo ibi residendi, quin possint a rectore Ordinarii subalterno expelli, sed libera quoque eisdem patere debet facultas pias suas exer- citationes agendi, coetusque aliaque a statutis praescripta tenendi, ad sensum legis 2 ff. De iurisdict. - ibi - « Cui iurisdictio data est, ea quoque concessa esse videntur sine quibus iurisdictio explicari non potest ; » quia (ex cap. Praeterea 5 De off. deleg.) « ex eo quod causa sibi com- mittitur, super omnibus quae ad causam ipsam spectare noscuntur, plenariam recipit potestatem. » Unde Barbosa cum Reiffenstuel ad reg. 39 iur. in 6, num. 12 sic con- cludit in genere , quod quando aliquid conceditur « con- ceduntur omnia quae spectant ad illud. « Quapropter in themate cum sodalitati concessa fuerit residentia in eccle- sia s. Augustini, concessa quoque censenda sunt ea omnia, quae cum hac sodalitatis residentia connexa sunt, ius ni- mirum coetus habendi sacrasque functiones iuxta statuta peragendi.

Accedit in casu specialis quaedam congruentiae causa. Etenim sodalitas nobilium mercatorum Asculanorum fuit usque ab initio sub spirituali directione et regimine patrum societatis Iesu, prout, ceteris omissis, constat ex Episcopali decreto diei 9 Maii 1851, in quo huiusmodi subiectio pla- cuit iterum post ecclesiasticam societatis restaurationem confirmari. Porro quamvis dici forsan non possit, quod so-