AGRIGENTINA 551

ruitura non sunt, nisi Franciscus vel eius testes usque ad evidentiam demonstrent, ipsum perfectam cum aliqua mu- liere explevisse copulam. At hoc nemo horum praestat, imo ex talibus depositionibus orator contrarium suadere conten- dit, sive attendatur incredibilis audacia, qua suam Franci- scus turpitudinem in populum proferendam curavit, et co- ram Iudice ecclesiastico, expudorata fronte, iactavit: sive quia ille testes fere omnes mercenarios adhibuit; sive quia testes inepta vel pugnantia loquuntur, uti manifeste ex eo- rum depositionibus apparet.

Neque, ait advocatus, desunt causae, quae Pontificis ani- mum movere possunt. Adest enim saltem gravis dubitatio de nuptiarum nullitate ex viri impotentia, quod dubium sem- per potissimam dispensationis causam constituit, uti Docto- res docent.

Cui, notat patronus, accedit summa animorum disiunctio. Laicus iudex Francisco notam aspersit, quam ille adeo ex- pavescit, ut malit impudicissimus hominum haberi, quam in venerem frigidus existimari. Veritate detecta ea Fran- ciscus ira exarsit, ut Iosepham eiusque patrem conviciis contumeliisque insequeretur ; hunc corruptorem iudicum, illam falsam accusatricem appellans. Atqui ex hac animo- rum disiunctione expetitum a Iosepha beneficium saepissime concedi, omnes tradunt auctores. Ita Coscio de sep. tori cap. XVI lib. 1 § 251, 256, 294. Ursaya disc. Eccl. vo- tum-. IX p. 11 disc. q. n. 14 etc.

Accedit denique, concludit orator, animae discrimen ex parte infelicis Iosephae, quae iuvenili vigore pollens, contra voluntatem, perpetuae continentiae adstringeretur.

ANIMADVERSIONES DEFENSORIS S. VINCULI. Contra autem opinatur vinculi defensor, qui valde timet, ne Iosepha eius- que pater insidiose agant. Facili enim negotio, specimine scilicet obstetricum in corpore, matrimonium inconsumma- tum Iosepha demonstrare posset, a quo tamen abhorret Io- sepha iubente patre. Sed in iure, ait orator, cautum est ut actor, qui penes se monumentum habet, ex quo intentatae