S52 V A R S A V I E N . SEU LUCEORIEN.

venisse dicit ; carúncula autem et integer hymen adeo inter se differunt, ut non facile intelligat defensor qua ratione obste- trices Dombrowicz et Bielinska hymenem integrum eam carun- culam tuto proclamare potuerint, praesertim cum « distillans mucus explorationem notabiliter impediret ».

Insuper, ait, Severina Koc, quae in relatione scripta an- tequam medicos alloqueretur, fatetur se nonnisi carunculam reperisse, deinde, medico Sierpinski auctore, « vidit dimi- dium integri hymenis ; alterum dimidium propter minus accuratam diductionem introitus vaginae occultari opor- tuit » ; demum in iudiciali examine post colloquia cum medicis et fortasse cum aliis obstetricibus integrum hyme- nem vidisse asserit. Sane coram iudice sine ambagibus fa- tetur : « Hymenem reperi in actrice forma diversa a solita. Visus mihi est affixus in duobus punctis desuper et deinfra; inter loca autem cohaesionis valui reclinare hymenem digito a compagine. Ostiolum reperi a latere dimensione ad crassi- tudinem graphii, certa sum hunc fuisse hymenem, non vero aliud quidquam, observationemque meam communicavi medi- cis. Hic adiiciam actricem non consumrnasse matrimonium, hymen enim, etiamsi ita conformatus, conscissis esset, cum sit integer, est autem sic, ut retuli a natura conformatus. »

Notat, ipsam Stephaniam sua agendi ratione ostendisse obstetrices ac medicos nimis benignos sibi fuisse, cum per- horrescit novam inspectionem. Sacramenti Vindex enim in- stitit « ut nova deputare tur commissio medicis et obstetri- cibus constans, quae statum virginitatis extra omne dubium ponat, quod si vero id actrici iusto molestius videatur, ut designentur saltem duo medici, qui eam revideant. » Iudex iustam hanc petitionem excipit; sed Stephania declaravit « se nolle novam subire inspectionem. »

Ad causas dispensationis deinde progrediens, ait, illas ex adverso allatas omnes impotentiae relativae inniti; ast sine fundamento. Nam haec impotentia iuxta medicos derivaret a causa physica, disconvenientia scilicet genitalium, et a causa morali, nempe animorum aversione.