552 AGRIGENTINA

actionis iustitia liquet, reiiciatur a iudicii limite, nisi mo- numentum illud exhibeat, quod magis obtinere debet matri- monialibus in causis.

Nec, notat sacramenti vindex, haec iuris consequentia evitaretur, dicendo, Iosepham suam virginitatem amisisse post viri discessum, quia nihil praedicatum magis in foro est, quam quod virgo quae cum viro suo concubuit, si post- hac deprehendatur corrupta, non ab alio quam a legitimo coniuge compressa censeatur : et ita iudicandum in omnibus casibus est, in quibus apodictica in contrarium argumenta praesto haud sunt.

Argumenta, prosequitur defensor, quae Iosepha atque pater in medium afferunt ad matrimonii inconsummationem astruendam duplicis generis sunt: alia inexploratam Iose- phae physicam integritatem, alia Francisci explorata geni- talia concernunt, at huiusmodi argumenta apodictica haud sunt. Et primo ullo modo Francisci impotentia probatur ex depositionibus Iosephae patris aut medici Basile.

Huius enim testimonium evertunt sex aesculapii, a laico tribunali adhibiti. Saecularis magistratus explorationem cor- poris Francisci primum commisit neapolitanis peritis Ma- riano Semmola, Antonio Cardarelli atque Francisco Todaro, qui die 15 Novembris 1890 data opera ad quam a iudice selecti, et proin a studio partium immunes, minutim omnia perscrutati sunt. Iam vero hi medici testantur non solum de singularum corporis partium sanitate, sed praeterea iu- rant vitium a medico Basile deprehensum ab atrophia toto coelo distare, et uno ore in hanc devenerunt sententiam.

Peremptorio hoc archiatrorum testimonio atque iudicio victa, Iosepha obtinuit ut a peritioribus corpus Francisci recognosceretur. Franciscus fecit et hoc, Romam venit, cor- pus suum a peritioribus iterum revideri permisit. Hi tamen peritiores Francisci corpus exterius interiusque accuratissi- me perscrutati, atrophiam, quam medicus Basile deprehendit, invenire minime potuerunt.

Insuper, urget orator, Francisci impotentia a medicis