AGRIGENTINA 553

Basile, Marchesane-, Argento et Ortega extra iudicii aulam excogitata exploditur aliis etiam argumentis. Si enim tali vitio Franciscus laboraret, certe evulgatum esset in parvo oppido, ubi Franciscus semper transegit vitam. Sed contra- rium asserunt septem testes a iudice ecclesiastico sub iura- mento excussi.

Quapropter matrimonii defensori risum excitat Iosephae patronus, dum obiicit : « Non fieri potest ut pueros, quos muliercula enixa est corpore quaestum faciens, sibi tanquam filios adsciscat, laetante quidem matre, quae patrem suae soboli invenit? » Testes enim tempus designant, quo liber natus est : testes iurant Luciam Catello esse a viro sepa- ratam : Luciam alium habuisse amasium, sed hunc a tribus iam annis vita functum esse: domum indigitant a Fran- cisco conductam, in qua Lucia degebat dum natus est infans.

Pari facili modo orator confidit eversurum esse argu- menta, quae actrix ad suam physicam virginitatem tuen- dam adducit. Siquidem medici Ioannis Cosentino testimo- nium, qui die 22 Aprilis labentis anni ad iudicem refert, Panormo visitasse Iosepham eamque reperiisse virginem, spernendum est, quum Clemens V cap. 2 Clement. De te- stib. subornationem timeri iubeat in testibus post publica- tionem attestationum inductis.

Notat praeterea ligaminis propugnator medicum Cosen- tino testatum esse de iis quae nemo mortalium testari po- test. Reque vera sciunt etiam fori stipites virginitatis sive corruptionis indicia plus minusve urgentia medicis'cognito- ribus praesto esse ; at argumenta certa omnibus omnino numeris absoluta, quibus periti fidem facere « in modo ab- soluto » possint de physica mulieris virginitate est purum somnium. Sicuti ait Sánchez De matr. lib. 7, disp. 108: « Saepe oculi et manus explorantium falluntur; eo vel ma- xime quod feminae multis fraudibus utantur, quibus virgi- nes apparent ». Cui astipulatur fusa demonstratione Zac- chias Quaest, medie, legal, tib. 4 tit. 2 q. n. 20 et seqq.

Sed, prosequitur orator, omnia possibilia sunt Iosephae,