554 Appendix XU

ut doctrina sit communis in aliqua schola, vel communis pro aliqua aetate. Talis enim doctrina non excederet limites opinionis, cuius opinionis valor non tantum aestimandus erit secundum auctoritatem ; sed potius iuxta rationes, quas theologi adduxerint.

Atqui nos agimus de solutione casus moralis, idest de sententia Moralistarum docente, illicite praegnantem matrem suam vitam posse servare accelerando mortem foetus sive per pharmacum sive per ferrum ; quae quidem sententia etsi dici velit prorsus communis, nullimode pertinet ad depositum veritatum revelatarum. Namque de hac sententia neque apex, neque vola sive in sacris scripturis sive etiam in traditione reperitur. Iidemque Moralistae longe sunt a sua sententia tradenda tamquam pertinente ad depositum revelationis.

Ergo perperam in themate allegatur Cani censura : quaevis ergo umbra haeresis in negatione huius sententiae perquam longissime abest.

Neque dicas, hanc sententiam esse consecutionem ex revelato principio, non occides; quasi vero ita arguménteos: revelatum est principium non occides: atqui in themate infans mox moriturus ad servandam matrem occiditur: ergo sententia quae docet esse illi- citam eiusmodi occisionem innititur revelato principio. Namque respondetur, quod si haec consecutio ab omnibus scholae theologis doceretur, tenenda esset ob eorundem theologorum auctoritatem, tamquam vera, non autem ut dogmatica. Proindeque longe quoque abesset quaevis haeresis umbra in propositione contradictoria. Quae propositio contradictoria etsi uti falsa aut imprudens et temeraria esset habenda, si nulli gravi motivo inniteretur; non tamen esset ita aestimanda, si evidens aliqua gravis ratio aut auctoritas a nemine observata in medium deduceretur, quae aliter iudicandum esse per- suaderei. Hac enim posita, potest ostendi falso etiam communis omnium theologorum sententia. Haec quoad censuram doctissimi Melchioris Cani. Confer quoque doctissimum Theologum I. B. Fran- zelin, tract, de divina traditione, Thesis XVII.

At vero in sententia de qua agimus neque his quae exposui indigemus. Agitur enim de mera opinione Moralistarum et quorun- dam Canonistarum, quae pertinet tantum ad moralem prudentiam, praetereaque nihil.

Omitto heic proprie non agi de theologorum scholae sententia: namque non agitur neque de schola Thomistica, scholarum principe, neque de quavis alia schola proprie dicta : sed de Moralistarum aut Canonistarum sententia, qui nunquam ex professo hanc quaestionem pertractarunt, alii alios plerumque exscribentes.

Sed, hisce omissis, quod in praesentia considero hoc est: cum casus, de quo agimus, semper extiterit in universa societate, ab eo tempore videlicet, quo mulieri dictum fuit in dolore paries, quaera- mus quomodo fuerit solutus ab Ecclesiae initiis et deinceps : namque