554 Matrimonii

rat, cum individua sit matrimonii causa : et ex unius contra-

hentis parte posita conditio, satis sit ad matrimonii nullitatem.

Id testari Cosci de sep. thori, lib. i, cap. 16, n. 272 seqq. et

Sánchez, de matr., I. i, disp. 1 3 . 1

Ad vitium formae gradum faciens Ferdinandi patronus,

causam invocabat huic undique similem in qua S. C. C. matri-

monii nullitatem agnovit : 2 deinde breviter praemonebat, matri-

monia aliter quam proprio parocho praesente celebrata, iuxta

Tridentinum Concilium irrita esse. Fallere quidem, legem, uti

decretum Tametsi promulgatum non fuerit (veluti de Anglia

certissime constat) dummodo tamen partes in loco domicilium,

vel quasi domicilium contraxerint.

Iamvero exploratissimum esse ex toto actorum processu,

ineunte mense augusti iuvenes non alia de causa Londinum

petiisse, quam ut coram magistratu contraherent. Luciam

namque deposuisse coram iudice : « Una cum eo Londinum

« reliqui ac B. perveni, rata post aliquos dies nos Londinum

« esse reversuros : sed Comes e civitate A. per telegraphicum

« nuncium mihi significavit, eius matrem eum revocasse ut

« nos separaret. Postridie literam ad me scripsit. Biduo aut

1 Conditionem contrariam fini matrimonii positam ex parte unius tantum ex contrahentibus matrimonium vitiare apertius liquet ex auctore Coscio qui opere citato ait: Quinimmo hanc conditionem (non cohabi- tandi) ... utpote oppositam uni ex principalibus finibus matrimonii, matri- monii nullitatem inducere docet D. Thomas. Atque adeo hoc etiam pro- cedit in casu quo aliter ex contrahentibus nesciat alterum sub praedicta conditione matrimonium contrahere. Cum enim intentio sub ea condi- tione contrahentis sit intentio non contrahendi matrimonium verum sed fictum, nullum proinde reddit eiusdem matrimonii valorem, altero quoque contrahente ignorante, verumque consensum absolute exhibente ut firmat Sánchez, Castropal, Piton, etc, Nullum est ergo matrimonium, sive conditio ponatur ex parte unius sive ex parte utriusque contrahentis ; quoties enim unus vel ambo protestati sunt non aliter contrahere quam sub conditione contraria fini matrimonii, irritum idem evadit, dummodo hanc conditionem praecessisse probetur, nam consensus deinde praestitus coram parocho et testibus, censetur praestitus eodem animo et intentione, etiamsi haec non fuerit iterum in actu coniugali manifestata, modo tamen retractatam fuisse non constet.

2 Causae huius habes synopsim in Vol. VITI, pag. 545.