Appendix XII 555

si nihil reperiamus apud veteres scriptores ecclesiasticos, apud patres, aut in ss. canonibus quod indicet non licere abactionem foetus ad servandam matrem; iam indicium gravissimum habemus, eius- modi casum non fuisse resolutum apud veteres, quemadmodum recen- tiores tanta facilitate resolverunt.

Atqui inspecta antiquitate nihil prorsus reperimus, quod etiam a longe indicet, eiusmodi necessariam partuum abactionem aut neca- tionem ad servandam vitam matris habitam fuisse illicitam.

Quod patet I o ex eo, quod omnes Moralistae aut Canonistae, tam solliciti ad quaerendas in subsidium veteres auctoritates, nullam adducere valuerunt.

2° Patet ex eo quod licet veteres Patres passim reprehendant in suis scriptis et concionibus abactiones partuum et necationem foetus et similia ; id tamen semper limitant ad malitiosam industriam, contra opinionem gentium, qui putabant partuum abactiones pro libito licite fieri posse. Ut exempla nonnulla afferam, sic ex. gr. Tertullianus in Apolog. c. IX graviter abactiones et expositiones partuum reprehen- dens, ad obiectionem factam quod foetus donec in utero matris clau- deretur esset pars matris, ideoque pro libito abigi posset, respondet: « Nobis, inquit, homicidio semel interdicto, etiam conceptum utero, «dum adhuc sanguis in homine delibatur, dissolvere non licet; « homicidii festinatio est prohibere nasci; neque refert natam quis « eripiat animam, an nascentem disturbe t: homo est et qui futurus « est, nam fructus omnis in semine est ».

S. Basilius in epistola canonica ad Amphil. n. 2 : « Quae de indu- « stria foetum corrupit caedis poenam luat. Formati autem vel « informis subtilius a nobis non inquiritur ».

S. Augustinus de nuptiis et concup. I. 1 c. 15 relatus a Gratiano in c. 7 caus. 32 q. 2: « Aliquando eo usque pervenit haec libidinosa « crudelitas, vel libido crudelis, ut etiam sterilitatis venena procuret ; « et si nihil valuerit, conceptus foetus aliquo modo intra viscera « extinguat ac fundat, volendo suam prolem prius interire quam « vivere, aut si in utero iam vivebat, occidi antequam nascatur ».

Concilium Ancyranum can. 21: « De mulieribus, quae fornicantur « et partus suos necant, vel quae agunt secum ut ex utero conceptos « excutiant, antiqua definitio usque ad exitum vitae eas ab Ecclesia « removet : humanius autem nunc definimus, ut eis decem annorum « tempus, secundum praefixos gradus poenitentiae, larglamur ».

Atque ita passim, dum haec damnantur, semper sermo est de malitiosa partuum necatione : quod indicium est, casum de quo agi- mus, quamquam Patribus certe compertum, Patres reprehendere tamquam illicitum haud ausos esse.

Immo indicia et argumenta habentur, Patres non modo non reprehendisse casus in quibus necessitas cogeret partuum abactiones et necationes, sed eiusmodi casus excusasse, atque uti licitos habuisse.