TERRACINEN. 555

Ambrosi tum Episcopo Bergamaschi id solvere, cum ille

haud eumdem contractum ratum habeat, iste non amplius

Terracinae Episcopus existat, dictus ideo Mangoni ad sua

iura tuenda recursum apud hanc S. O. instituit.

Rationes Episcopi Bergamaschi

In primis Episcopus Bergamaschi adnotat nullam a Man-

goni actionem adversus eum institui posse, cum ipse con-

tractum illum non prouti persona privata sed ut Episcopus

et Administrator Apostolicus illius dioecesis peregerit. Ad

suum proinde in eadem Sede successorem, videlicet Episco-

pum Ambrosi, spectare ait episcopalis Mensae iura hac in

causa tueri, addens locationis contractum iuxta canonicas

leges fuisse initum.

Equidem notum esse recolit lippis et tonsoribus Epi-

scopum instar Beneficiarii fundos proprii beneficii ad trien- nium locare posse, ipsiusque successoris esse non modo haud improbare quae decessor per contractum locaverit, sed et

onus ferre si quod ille, prouti diligens sui beneficii admini-

strator, cui quidem cura incumbit ne fundi deteriores fiant,

forte reliquerit.

Iamvero idem Episcopus plures enumerat expensas quas

ipse. tum pro episcopali Mensa augenda sustinere sategit,

tum pro reparanda ac ornanda episcopali domo, ipsiusque

hortuli muris, pro quo insuper recuperando addit « oltre

a non aver percepito mai nulla dal giardino, perdei anche

tutte le spese giudiziarie ». Atque ne recens ibi consita vi-

nea quoddam, episcopali praesertim Sede vacante, detrimen-

tum caperet, necesse fuit, ait, illam custodiendam alicui

tradere ; adeo ut ea quae conductor per tres annos sua in-

dustria pro eodem hortulo custodiendo augendoque insum-

pserit, iure onus pro successore qui eo nunc fruitur con-

stituere debeant. Ideoque cum idem contractus episcopali

Mensae prouti par erat bene verterit, iuxtaque sit initus

leges, iam sequitur, ait, quidquid ab eo derivatum est iure

ad successorem transisse, eique proinde onus incumbere eius-