DERTUSEN. 557

tradit : « Sententia illa quae in rem transit iudicatam, tan- tae est auctoritatis, ut de ente faciat non ens, et de falso verum, et de albo nigrum •», Alibi vero addit, quod sententia quae transiit « in rem iudicatam, postea retractari non pos- sit, et contradicere volens amplius non audiatur. » Loc. cit. num. 109.

Inutili vero labore sacerdos di Osso contenderet, huius- modi sententias executioni tradi non posse, ex eo quod in aliqua minoris momenti parte sunt inter se difformes. Huic siquidem offensioni obviam it Card. De Luca, qui in disc. 36, num. 55 de Iudiciis tradit, explorati iuris esse, quod eae sententiae executioni tradi debeant in iis partibus, in quibus conformitas habetur.

Tandem, quoad alterum quaestionis caput, Carmelitae con- tendunt invocatam transactionem concedi non posse, sive quia congruentiae et aequitatis rationes a sacerdote di Osso- exhibitae quovis fundamento destitutae sunt ; sive quia per eam iura a Monialibus Carmelitis acquisita laederentur,

Iamvero notum in iure est, Pontificem iura tertio ac- quisita laedere haud velle, imo neque posse absque culpa. Fagnano in cap. Consultationibus de Clericis aegrot. n. 50. Ex eo quod qui iura aliena laedit iniustitiae reus fit. cap. 1, 22 dist. et Glossa ibi in vers. Iniustitiam docet neque Pon- tificem posse legitima absque ratione ius suum uni adimere ut illud alteri tribuat. Et Card. De Luca tradit, id facere posse tantummodo ob causam publicae utilitatis. Disc. 2.» num. 6 et 7 de Regul.

Hisce pro utraque parte praenotatis, proposita fuerunt diluenda sequentia

Dubia

An sententiae ab Hispaniae tribunalibus latae sint in- firmandae in casu?

Et quatenus negative An et quomodo concedenda sit transactio a sacerdote

Ossa petita in casu?