558 Appendix KIT

foetu, ut aiebant, nondura animato, sed etiam cum ageretur de vivo foetu; quin actio ex ratione adducta reputaretur illicita. 1

Neque dicas Tertullianum in hoc inciso errorem Montani tradi- disse. Namque, haeresi Montani inspecta, contrarium, si id in animo Tertullianus haberet, dicere debuisset. Neque est ratio ulla cur hoc dicatur, cum contra errorem Stoicorum ageret, affirmans certissimum factum ipsis Stoicis notum, et adiiciens rationem, cur moraliter non reprobaretur.

Neque dicas: forte Tertullianum eam rationem adiecisse in odium catholicae Ecclesiae. Nam constat Ecclesiae Patres nunquam eius- modi factum, ipsis certe compertum, reprobasse.

Cum itaque nunquam fuerit reprobatum eiusmodi factum apud Ecclesiae Patres, nullum verbum de hoc facto tamquam reprobando in ss. canonibus^ reperiatur, ut videre est in Decreto Gratiani; nihil in Decretalibus Gregorii IX et Bonifacii VIII aut in subsequentibus Romanorum Pontificum constitutionibus: et tamen factum notorie semper extiterit, dicendum est, Ecclesiam tacite saltem semper illud permisisse, et fideles factum ipsum constanter habuisse ut licitum.

Sane quaestio de hoc facto non incepit inter Canonistas et Theo- logos nisi saeculo decimosexto, ab iis ipsis, quos Sánchez tamquam contrarios suae sententiae allegat; videlicet mota est a Simone de Brixia, qui contendit licitum esse dare pharmacum matri ad necan- dum foetum, ne morte foetus mater moriatur.

Inspectis enim rationibus quas affert Simon de Brixia, iuxta ea quae narrat Socinus, eiusmodi rationes ostendunt quaestionem hanc a nemine fuisse antea pertractatam, quamquam factum necationis foetus in casu, de quo agimus notorie frequentaretur. Haec sunt, quae refert senior Socinus ex Simone de Brixia in cap. Si aliquis de homicid. « Ultimo circa praedicta (de voluntario abortu ab Ecclesia « iugiter reprobato) subiicio notabilem quaestionem, quae quotidie in « practica contingit. Pone : peritus medicus infirmanti et praegnanti « mulieri cuius vitae secundum artem medicinae succurri non poterat « quominus ipsa cum partu animato periret, suasit abortum, et mulier « medici consilium adimplevit. Quaeritur, an medicus teneatur et «quid de muliere? Simon de Bursano (alii de Brixia) in Clement. 1 « eodem tit. tenet quod sic. Facit quia abortus est de genere malorum « prohibitorum 32 q. 2 c. Aliquando et c. Moyses. In contrarium facit « quia plura videntur concurrere, propter quae saltem mulier debeat « excusari : primo auctoritas medici quae magna est, 35 distinct, c. «Si quis a medicis: secundo verisimilis mortis certitudo utriusque:

1 Hanc gravissimam Tertulliani auctoritatem refert quoque cl. Fran- ciscus Kenrick, quamvis eam non sequatur: et haec est ratio cur non frustra omnino citaverim in primo articulo cl. Kenrick, mihi obiter sug- gestum.