558 Matrimonii

nuptias in loco moratus fuerit, atque inde inopinata causa

revocante discesserit. Nam repentinam post matrimonium pro-

fectionem evidenter docere, vel coniuges nihil aliud quam in

fraudem contrahere voluisse, vel ab initio manendi animum

non habuisse. Ita Benedictum XIV iu Noti f. 13 tom. 2 n. 8

ei g nec non in citata constitutione Paucis abhinc etc. « Dubi-

tari autem posset num ad quasi domicilium adquirendum matri-

monii causa, uti diximus, non solum requiratur praecedens habi-

tatio, verum etiam subsequens ad aliquod temporis spatium.

Verum cum observaverimus subsequentem habitatio?ie?n ab iis

auctoribus qui hanc tractarunt materiam, tamquam magni

momenti adminiculum reputari ut novum domicilium quaesitum

dicatur, nihil vero de illa praescriptum fuisse a Concilii Con-

gregatione in adducta paullo ante definitione penes Fagnanum,

nolumus hac de re quidquam novi decernere ».

Ex documentis constare, coniuges quinque vel sex diebus

elapsis a matrimonio, B. rediisse: atque hoc factum sufficere

ad primi deserendi domicilii animum, et diuturnam subsequen-

tem nuptias habitationem excludendam.

Hactenus de animo. Verum alteram quasi domicilii con-

ditionem esse habitationem, in qua, sepositis praesumptionibus,

materialis certitudo sequenda est; quia iuxta Sánchez lib. 3

disp. 23 n. 2 « Domicilium habitationis non adquiritur solo

animo habitandi, sed animo et facto, nempe habitatione ipsa-

Et data opera, ad salebrosas animi investigationes praecide n"

das, summum Pontificem Benedictum XIV, in iis qui locum

adeunt Tridentinae legi haud obnoxium, terminum constituisse,

quo deficiente quasi domicilium admitti nequit. Hunc vero

terminum saltem ad mensem esse producendum tradere in

eadem constitutione Paucis abhinc in qua legitur : Post haec

necessarium fore censemus nonnihil adiungere, ut in propatulo sit

quidnam requiratur ad quasi domicilium adipiscendum. Verum

hac in re non alio pacto responderi potest, nisi quod, antequam

matrimonium contrahatur, spatio saltem unius mensis, ille qui

contrahit habitavei'it in loco ubi matrimonium celebratur.