558 AURELIANEN.

Unum dumtaxat est quod respicit legatum Huet in quinta serie fundationum, in quo aliquid obscuritatis inve- nitur. Si enim reditus sufficientes sunt ad missas celebrandas cum eleemosyna lib. 1 , 5 0 , non intelligitur curnam eleemo- syna unius libellae poscatur; si autem reditus non sufficiunt, non apparet curnam speciale de hac re dubium moveatur; demum si reditus usque modo aderant, et quotannis attige- runt lib. 1 2 0 , non explicatur curnam legati satisfactio fuerit per tot annos omissa.

His in specie ad onera et legata ecclesiae S. Paterni observatis, relate al generalem potestatem quam Episcopus implorat, ut ceteris quoque suae dioecesis ecclesiis consulere possit, quin in singulis casibus ad S. Sedem recurrat, ad mentem revocata sunt quae habet Benedictus XIV De Syn. I. c. n. 20. Sane ita loquitur Pontifex : « Missarum itaque reductione Apostolicae Sedi reservata, vix dici potest quanta rerum farragine ex hoc uno capite obrueretur Congr. Con- cilii, cui huiusmodi reductionum cognitio committebatur; quaeque proinde, ut aliqua huius oneris parte sese levaret, id demum consilii coepit, ut Episcopis saepe delegaret fa- cultatem reducendi missas in eorum Dioecesibus, tradita tamen simul Instructione, cui se in peragenda reductione conformare deberent. » Quod consilium etiam nuperrime in causa Engolismen. F acuì. cond. nostrae valde affini S. C. C. die 18 Augusti 1 8 8 8 suscepit.

Quibus praemissis, quaesitum fuit quomodo preces essent dimittendae.

RESOLUTIO. Sacra C. Concilii, re cognita, sub die 14 De- cembris 1 8 8 9 censuit respondere: Pro facultate arbitrio et conscientiae Episcopi pro hac vice, facto verbo cum SSñio et ad mentem per epistolam eidem p ate faciendam.