560 RAGUSINA

Ad ius commune quod spectat Capitulum animadvertit, S. Concilium Tridentinum, Cap. VIII, sess. 22, de Sacri- ficio Missae, animarum pastoribus praecipere : ut « frequen- ter inter Missarum celebrationem vel per se vel per alios ex iis, quae in Missa leguntur, aliquid exponant, atque inter cetera sanctissimi huius Sacrificii mysterium aliquod declarent, diebus praesertim dominicis et festis ». Ratio au- tem, ob quam Concilii Patres parochis ceterisque animarum pastoribus hoc onus imposuerunt, huiusmodi est : « ne oves Christi esuriant, neve parvuli panem petant, et non sit qui frangat eis ».

Verum, ut finis a Concilii Patribus intentus obtineatur, Capitulum observat Ecclesiam iugiter disposuisse ne in par- vis praesertim locis sacrae functiones uno eodemque tempore celebrentur. Et hanc dispositionem eo vel magis in themate observandam esse ait, cum non de qualibet sacra functione, sed de S. Evangelii explanatione agatur. Quandoquidem, ad- misso quod in aliis ecclesiis Missa celebretur vel paullo ante vel eodem tempore, quo in Ecclesia parochiali S. Evange- lium explanatur, occasio praeberetur, ne plures ex Christi fidelibus verbum Dei audirent. Quod quantopere impedien- dum sit, nemo est qui non videat.

Ne igitur praefata Concilii Tridentini dispositio frustre- tur et inutilis fiat, Capitulum postulat, ut impediatur, quo- minus religiosi S. Dominici diebus dominicis vel festis pri- mam Missam in sua Ecclesia celebrent vel paullo ante, vel ea ipsa hora, qua in Ecclesia Abbatiali Missa parochialis celebratur ; et insuper declaretur ius celebrandi primam Mis- sam Ecclesiae Abbatiali competere, idque citati Cap. VIII Concilii Tridentini dispositionem exigere.

Quin ad huiusmodi Capituli ius infirmandum regerere valeat, quod Religiosi praedictis diebus verbum Dei fidelibus annuntiant ; siquidem Episcopus perpendit id perraro contin- gere. Verum, dato etiam quod frequenter accideret ; nihilo- minus idem Episcopus animadvertit quam maxime optandum esse, ut fideles Ecclesiam Abbatialem adeant, ex eo quod in