560 EX S. C. EP. ET REGUL.

nevolum receptorem invenerint, et de ecclesiastico patrimonio sibi providerint, secus ab Ordinum susceptorum exercitio su- spensos esse mansuros. Circa interpretationem vero huius De- creti hac in parte quaedam oborta sunt dubia, quae reveren- ter Vestrae Eminentiae sapientiae subiicit:

I. Utrum haec verba « Episcopum benevolum receptorem invenerint et de patrimonio ecclesiastico sibi providerint», ita collective sint intelligenda, ut ad tollendam suspensionem ambo sint necessaria, nempe, et Episcopum benevolum receptorem invenire, et patrimonium ecclesiasticum constituere, vel sufficiat tantum Episcopum benevolum receptorem invenire?

II. Utrum haec verba, quae in numero V leguntur « secus suspensi maneant ab exercitio susceptorum Ordinum », ita sint sumenda, ut Religiosus, qui obtenta Apostolica licentia claustro exierit, quin prius Episcopum benevolum receptorem invene- rit vel de patrimonio ecclesiastico sibi providerit, sit suspen- sus tantum donec Episcopum benevolum receptorem inveniat et patrimonium ecclesiasticum sibi constituat, vel sit suspensus donec ab Apostolica Sede suspensio tollatur, invento Episcopo benevolo receptore et patrimonio ecclesiastico constituto?

S. C. Emorum ac Rmorum S. R. E. Cardinalium negotiis et consultationibus Episcoporum et Regularium praeposita, omni- bus mature perpensis, respondet:

Ad primum dubium: Affirmative ad primam partem; Ne- gative ad secundam.

Ad secundum: Affirmative pariter adprimamtpartem; Ne- gative ad secundam.

Datum Romae ex Secretaria Sacrae Congregationis Episco- porum et Regularium hac die 20 Novembris 1895.

I. CARD. VERGA Praef.

A. TROMBETTA Pro Secretarius.