EX S. C. RITUUM 561

Acta, Tom. XXXI. fase. CCCLXIX. 36

Antequam vero causae meritum attingam, nonnulla praef ari oportet de scriptis Dei Famulae tributis, ne ordinem praevertam a solertissimo Censore praestitutum, qui ante eas quae probatio- nes respiciunt, adnotationes de quibusdam scriptis non exhibitis posuit; proximum subinde locum dedit iis quibus famam sanctita- tis impugnat; postremo autem obstacula collocavit, quibus vitium Ancillae Dei aut virtutis defectum insimulan praesumitur. Eum- dem igitur et ipse ordinem sequutus vim et robur, quibus singula quaeque praedita sunt, seorsim expendam et enucleate dissolvam: idque eo alacrius et libentius praestabo, quod videam nullam tanti momenti difficultatem oggeri ex adverso, quae prosperum causae exitum praepedire possit. Sit itaque

CAPUT I.

De Animadversionibus Prodomis.

Quae in prodomis adnotationibus obiiciuntur nihil sane conti- nent quod laboriosam defensoris operam exposcant, siquidem in- certum est utrum illud scriptum, quod in iuridica perquisitione scriptorum Dei Famulae iuxta Censoris sententiam exhiberi de- buisset, eidem tribui possit; imo contrarium prorsus infertur ex prologo, quod monitionis ad instar historicus Céver codici appo- suit, ubi primo loco scriptum praefatum relatum est una cum ser- monum ac sententiarum laciniis, quas ex ore Ancillae Dei haustas Uteris mandaverat sodalis eius Maria Laigle, ab eaque acceptas laudatus historicus opportune emendavit, emendatasque in elegan- tiorem formam digessit typis tradendas, ut maternae dilectionis monumenta adeo saluberrima filiarum oculis iugiter paterent, in- deque legentes ad eius sectanda vestigia excitarentur.

Ex quibus satis manifesto deprehenditur neminem se posse constituere vadem de scripti, de quo est quaestio, primigenia for- ma ac natura, ubi tales factas esse mutationes haud immerito ti- mendum est, quibus veluti autographi exemplar haberi amplius nequeat. Etsi in eius fronte adnotatum sit: " le seul écrit de sa main (nempe Servae Dei) qui est comme l'ébauche et abrégé de sa règle " , non inde tamen inferre licet nil in eo immutatum nil emendatum fuisse ab historico Céver, cuius verba superius relata utpote generalia ad omnia documenta ab eodem descripta in illo codice typis edendo referri oportet, ac idcirco contrariam persua- sionem de concordantia scriptis illius cum Servae Dei autographis