562 Appendix XII

propriam' intentionem, logice trahendi sunt in favorem sententiae, quam sustinemus.

Sed magna insuper est sententiarum difformitas, quamvis omnes consequenter trahantur ad dicendam per se illicitam craniotomiam. Haec sententiarum difformitas, cum causam aliquam habere debeat, videndum est ex quo oriatur.

Eiusmodi sententiarum difformitatem late expendit Bossius de effectibus contractus matrim, tom. 1 cap. 9 n. 79 et seqq. Prima sen- tentia negat licitum esse matri gravi morbo laboranti uti remediis directis tantum ad suam sanitatem, si verisimiliter praevideatur secu- turas abortus foetus, ut tunc putabant, nondum animati; quamvis ea remedia essent unica ad eiusdem matris salutem, neque per se et natura sua tendant ad abortum. Hi auctores, quamvis non dice- rent esse homicidium, quia putabant foetum nondum esse animatum: tamen dicebant esse intrinsece malum id facere!

Item in quaestione, an praegnans, in morali periculo vitae ex morbo futuro exitiali, progrediente graviditate, ad vitam tuendam possit uti remediis directe et principaliter tendentibus in abortum foetus, si nondum sit animatus? Alii negarunt, quia intrinsece malum; alii e converso affirmarunt, quia non appareret, cur cum evidenti vitae discrimine matris debeat conservari foetus inanimatus, qui etiam, pereunte matre, pereat.

Pariter, an in periculo vitae matris ex cognita alias difficultate partus, possit illa licite procurare abortum foetus nondum animati, utendo remediis ad illius expulsionem ordinatis? Alii probarunt, quod non appareret differentia inter antecedentem et hanc quaestio- nem, cum etiam hoc posteriori casu foetus sit aggressor vitae matris: alii negarunt, quia actio cum sit intrinsece mala, neque ad vitam tuendam possit esse licita.

Item, an ordine naturae tantum et iustitiae obligatione attentis, matri praegnanti et gravi morbo laboranti, ad tuendam vitam licitum sit uti medicamentis necessariis directe tendentibus ad illius tantum sanitatem recuperandam, non vero ad expulsionem foetus, ex quibus tamen per accidens et concomitanter probabiliter praevideatur secu- turas abortus eiusdem foetus iam animad ? Alii negant, quia proles possidet vitam suam sine matris iniuria; atque proinde si medicina talis est, quae proli noceat, iniuria fit ei, et non obstante praecisa intentione curandi matrem, est occisio filii: et quia non sunt facienda mala ut eveniant bona; malum autem est prolem occidere.

Alii distinguunt remedia mere negativa ex. gr. subtractio ali- menti, vel sanguinis, et alia positiva: et dicunt posse adhiberi licite prima remedia, non autem secunda sine labe iniustitiae et peccato homicidii, cum occisio innocentis etiam per accidens eveniens, si est voluntaria, sit homicidium ; quod numquam licitum nisi sit invasoris occisio. Alii communiter contra sentiunt, quamvis, si mater more-