562 RAGUSINA

Conc. Tridentini dispositiones, etsi decreto irritanti munitas. « Cum tum (ait Card. De Luca de Can. et Cap. disc. 12, num. P) non sit de directo ferire decretum irritans, sed agere de eius non comprehensione ».

Ex quibus Capitulum arguit, a veritate absonum esse, Re- ligiosorum assertum; ipsos nempe, a die institutionis Coeno- bii, seu ab anno 1876 usque ad praesens, diebus tam do- minicis quam festis primam Missam iugiter celebrasse. Idip- sum confirmatur ab Episcopo, qui in suo ad S. C. informa- tionis epistolio asserit, observantiam non Religiosis S. Do- minici, sed Capitulo Ecclesiae Abbatialis favere.

Hisce tum in facto, tum in iure positis, Capitulum concludit Religiosis S. Dominici interdicendum esse usum nuperrimis hisce temporibus ab ipsis inductum, celebrandi nempe diebus dominicis et festis primam Missam eodem tem- pore vel paullo ante quam Missa parochialis in Ecclesia abbatiali celebratur.

QUAE RELIGIOSIS S. DOMINICI FAVERE VIDENTUR. EX al-

tera vero parte Religiosi S. Dominici contendunt, sibi ius competere Missam celebrandi quo tempore ipsis libuerit; id- que in vim privilegiorum, quae Religiosis a fel. mem. S. Pii V indulta fuerunt Constit. Etsi mendicantium § 22, ubi ad rem haec scripta leguntur: « Prohibemus insuper eisdem Ordinariis, ac aliis quibuscumque personis, ne impediant ipsos fratres, quando eis placuerit, tam in diebus dominicis seu festivis, aut aliis totius anni temporibus campanas pul- sare et etiam tempore quo ipsi celebraverint, Missas cele- brare ».

Ex eiusdem Constitutionis §. 8 itidem argui urgent, ipsis datam fuisse facultatem tam divina officia explendi, quam Missam celebrandi, antequam parochi in propriis Ec- clesiis ipsam celebrent: « Nec non Missas et divina officia eiusmodi etiam in diebus dominicis vel festivis, etiam ante- quam Rector Parochialis Ecclesiae celebraverit, celebrare et facere quando eis videtur ».

Huiusmodi vero Constitutionem modo etiam omnem vim