562 EX S. C. CONCILII

rent ac de suarum dioecesium statu referrent; eademque de causa Visitatores Apostolici ad diversas Italiae dioeceses aut regiones, praesertim post S. S. Tridentinam synodum saepe missi, etsi iam penes principes et respublicas, queis olim Italia constabat, Apostolici Nuntii essent, qui negotia religionis vigi- larent.

At nunc civilibus Italiae conditionibus mutatis, quum alia complura, tum etiam esse desiit institutum hoc saluberrimum. Quo factum est ut una quoque ex potissimis rationibus defe- cerit, quibus Romanus Pontifex possit cognoscere quid boni ac meriti alicubi sit, aut quid forte reprehensione dignum, ut va- leat opportune providere.

Quod quum diuturna satis experientia docuerit haud sine Ecclesiae detrimento accidisse, ve. me. Pontifex Leo XIII S. Con- cilii Congregationi commisit, ut videret si quis forte modus es- set quo defectus ille pro temporum conditione suppleretur.

Haec autem, omnibus mature perpensis, optimum factu censuit Apostolicam quandam Visitationem instituere per sacri ordinis viros, dignitate, doctrina et prudentia praestantes, qui certis temporibus varias Italiae regiones perlustrarent; ab Epi- scopis audirent, quae cleri esset, quae seminarii, quae populi, quae cultus divini conditio ; ubi forte opus esset, suis ipsi oculis cernèrent atque, interposita fide silentii, ad Apostolicam Sedem referrent.

Consilium Leoni XIII probatum, sed Ipsius morte interce- ptum, Pio X, vixdum ad Petri cathedram evectus est, magno- pere placuit. Imo necessarium duxit ut quamprimum perfice- retur.

Iussa itaque SSmi Dñi Nostri peragens S. Congregatio Con- cilii praesentibus litteris mandat, ut singuli Italiae Ordinarii re- cipiant Visitatores Apostolicos, quos statis temporibus S. Sedes ad eos in posterum missura est : eisque de statu suarum dioe- cesium referant iuxta legem in adiecto folio statutam.

Multa ex hac Visitatione licet sperare bona. Ea enim in primis ipsius episcopalis auctoritatis praesidio est instituta, quo iuvari possunt Antistites, sive ad clerum gregemque suum in officio continendum, sive ad citius expedienda negotia, de qui- bus consulenda sit Apostolica Sedes. Praeterea hac ratione subiici poterunt fidelibus oculis multa quae saepe frustra desi- derantur, sive ad pastorale munus aut utilius obeundum aut